అతడు, ఖలేజా సినిమాల తర్వాత సూపర్ స్టార్ మహేష్ బాబు, -త్రివిక్రమ్ శ్రీనివాస్ కాంబోలో హ్యాట్రిక్ మూవీ తెరకెక్కనున్న సంగతి తెలిసిందే. హారిక అండ్ హాసిని క్రియేషన్స్ పతాకంపై రాధాకృష్ణ ఈ సినిమాని నిర్మించనున్నారు. మహేష్ నుండి వస్తున్న ఈ 28వ చిత్రాన్ని త్వరలోనే ప్రారంభించనున్నారు. అయితే టాలెంటెడ్ నటి నివేదా థామస్ ఈ చిత్రంలో నటించనుందని తెలిసింది. ‘జెంటిల్‌మెన్’ సినిమాతో టాలీవుడ్‌లో హీరోయిన్‌గా ఎంట్రీ ఇచ్చిన నివేదా థామస్.. నిన్ను కోరి, జై లవ కుశ. బ్రోచేవారెవరురా సినిమాలతో మంచి గుర్తింపు తెచ్చుకుంది. ఈ క్రమంలో ఇటీవల ‘వకీల్ సాబ్’ సినిమాతో మరోసారి ఆడియన్స్‌ని ఫిదా చేసింది. ఈ క్రమంలో ఇప్పుడు మహేష్ బాబు సినిమాలో ఛాన్స్ దక్కించుకుందని అంటున్నారు. త్రివిక్రమ్ శ్రీనివాస్ తన సినిమాలో ఫిమేల్ లీడ్స్ కోసం ప్రాధాన్యత ఉండే పాత్రలు సృష్టిస్తుంటాడు. మెయిన్ హీరోయిన్‌తో పాటుగా ఇతర ప్రధాన లేడీ పాత్రలు కూడా బలంగా ఉండేలా చూసుకుంటాడు. మరి ఇప్పుడు మహేష్ సినిమాలో నివేదా నటించేది నిజమే అయితే ఆమెతో ఎలాంటి రోల్ చేయిస్తాడనేది ఆసక్తికరంగా మారింది.