తిరుపతి: షెల్ ఇండియా మద్దతుతో ఆంధ్రప్రదేశ్‌ ప్రభుత్వంతో కలిసి స్మైల్ ఫౌండేషన్ తిరుపతిలో ఎన్‌ఎక్స్‌ప్లోరర్స్ కార్నివాల్‌ని నిర్వహించింది. జాతీయ విద్యా విధానం(NEP) 2020కి అనుగుణంగా గ్రామీణ పాఠశాల పిల్లలకు స్టెమ్ (సైన్స్, టెక్నాలజీ, ఇంజనీరింగ్, మ్యాథమెటిక్స్), SDGల పట్ల అవగాహన కల్పిస్తూనే తమ నైపుణ్యాన్ని ప్రదర్శించడానికి ఒక వేదికను అందించాలనే లక్ష్యంతో ఈ రోజంతా కార్నివాల్ నిర్వహించబడింది.
స్మైల్ ఫౌండేషన్ ఆంధ్రప్రదేశ్‌లోని నెల్లూరు, తిరుపతి జిల్లాల్లోని 89 ప్రభుత్వ పాఠశాలల్లో షెల్ ప్రతిష్టాత్మక సోషల్ ఇన్వెస్ట్‌మెంట్ స్టెమ్ ఎడ్యుకేషనల్ కార్యక్రమం అయిన ఎన్‌ఎక్స్‌ప్లోరర్స్ జూనియర్ ప్రోగ్రామ్‌ను నిర్వహిస్తోంది.
కార్నివాల్ సందర్భంగా, తిరుపతి జిల్లాలోని 30 పాఠశాలలకు చెందిన 120 మంది విద్యార్థులు సైన్స్, టెక్నాలజీ, ఇంజినీరింగ్, గణితం (STEM) విభాగాలలో 40 ఎంపిక చేసిన ప్రాజెక్ట్‌లు, వినూత్న నమూనాలను ప్రదర్శించారు. ఉద్గారాలను నియంత్రించడం, ప్రకృతి పరిరక్షణ, సుస్థిర అభివృద్ధి లక్ష్యాలతో (SDGలు) అనుసంధానించబడిన అనేక రంగాలకు సంబంధించిన వినూత్న ఆలోచనలతో ముందుకు వచ్చారు.
డాక్టర్ వి.శేఖర్, జిల్లా విద్యాశాఖాధికారి, ఎం.ఆనంద రెడ్డి, డిప్యూటీ డీఈవో, భాను ప్రసాద్, జిల్లా సైన్స్ అధికారి, S. శివ శంకరయ్య, అసిస్టెంట్ మానిటరింగ్ ఆఫీసర్, లక్ష్మీ నారాయణ, సహాయ సంచాలకులు, DEO కార్యాలయం, తిరుపతి అసిస్టెంట్ డైరెక్టర్ శ్రీ రమణారావు ఈ కార్నివాల్ కు హాజరయ్యారు. జిల్లా విద్యాశాఖాధికారి డాక్టర్ వి.శేఖర్ మాట్లాడుతూ స్మైల్ ఫౌండేషన్ ఆదర్శప్రాయమైన పని చేస్తుందన్నారు. ప్రదర్శించిన ఎగ్జిబిట్లు పిల్లల వినూత్న ఆలోచనలను ప్రదర్శిస్తున్నాయన్నారు.
భాను ప్రసాద్, జిల్లా సైన్స్ అధికారి తిరుపతి మాట్లాడుతూ.. ఈ కార్యక్రమం ఆహారం, నీరు, శక్తికి సంబంధించిన సుస్థిరత అభివృద్ధి లక్ష్యాలను పరిష్కరించడంపై దృష్టి సారించడం, తద్వారా ప్రపంచ సవాళ్ల పట్ల బాధ్యత భావాన్ని పెంపొందించడం మరియు పిల్లలలో స్థిరమైన మనస్తత్వాన్ని ప్రోత్సహించడం గమనించదగినదన్నారు.