ఒడిశా స్పీకర్‌ ఎస్‌ఎన్‌ పాత్రో రాజీనామా

భువనేశ్వర్: నవీన్ పట్నాయక్ నేతృత్వంలోని ప్రభుత్వంలోని కొత్త మంత్రివర్గం సభ్యులు ఆదివారం ప్రమాణ స్వీకారం చేయనుండగా, ఒడిశా అసెంబ్లీ స్పీకర్ ఎస్ ఎన్ పాత్రో తన పదవికి రాజీనామా చేసినట్లు అధికారి ఒకరు తెలిపారు.
ముఖ్యమంత్రి నవీన్ పట్నాయక్ ఆదేశాల మేరకు రాష్ట్ర ప్రభుత్వంలోని 20 మంది మంత్రులు శనివారం తమ రాజీనామా లేఖలను సమర్పించారు.
పాత్రో తన చర్యకు కారణం లేదని పేర్కొంటూ శనివారం డిప్యూటీ స్పీకర్ ఆర్‌కె సింగ్‌కు రాజీనామా సమర్పించారు.
పాత్రో కుమారుడు బిప్లబ్ మాట్లాడుతూ, “మా నాన్న తీవ్రమైన మూత్రపిండ వ్యాధితో,  ఎడమ కంటికి ఇన్ఫెక్షన్‌ అయి బాధపడుతున్నారు, ఆయన ఒక ప్రైవేట్ ఆసుపత్రిలో చికిత్స పొందుతున్నారు” అని తెలిపాడు.  పాత్రో స్పీకర్ పదవికి రాజీనామా చేశారని, శస్త్రచికిత్సకు వెళ్లనున్నందున ప్రభుత్వ బాధ్యతలు స్వీకరించడానికి నిరాకరించారని ఆయన కుమారుడు తెలిపారు.
మంత్రి పదవికి రాజీనామా చేసిన బికె అరుఖా అసెంబ్లీ తదుపరి స్పీకర్‌గా ఎంపికయ్యే అవకాశం ఉందని అధికార బిజెడి వర్గాలు పేర్కొన్నాయి. లోక్‌సభ,  అసెంబ్లీకి 2024 ఎన్నికలకు ముందు తన ప్రభుత్వానికి కొత్త రూపాన్ని ఇవ్వడానికి సిద్ధంగా ఉన్న పట్నాయక్, మంత్రులను రాజీనామా చేయాలని కోరారు. ఒడిశా రాజకీయ చరిత్రలో మంత్రులందరినీ రాజీనామా చేయాలని ఆదేశించడం ఇదే తొలిసారి. ఇదిలావుండగా రాజీనామా చేసిన 20 మంది మంత్రుల్లో ఆరుగురికి పైగా కొత్త మంత్రి మండలి నుంచి తప్పుకునే అవకాశం ఉందని సంబంధిత వర్గాలు తెలిపాయి.