యంగ్ హీరో అడివి శేష్ ఫస్ట్ పాన్ ఇండియా మూవీ ’మేజర్’. 26/11 హీరో మేజర్ సందీప్ ఉన్నికృష్ణన్ జీవితం ఆధారంగా అత్యంత ప్రతిష్టాత్మకంగా తెరకెక్కుతున్న ఈ చిత్రం తెలుగు, హిందీ, మలయాళం భాషల్లో ప్రపంచ వ్యాప్తంగా జూన్ 3న విడుదల కానుంది. శ్రీచరణ్ పాకాల సంగీతం అందించిన ఈ చిత్రం నుండి సెకెండ్ సింగల్ ‘ఓహ్ ఇషా’ వీడియో సాంగ్‌ను విడుదల చేశారు. ఒక గెట్ టుగెదర్‌లో ఆర్మీ అధికారులు తమ లైఫ్ పార్ట్‌నర్స్‌తో డ్యాన్స్ చేస్తున్నపుడు మేజర్ సందీప్‌గా శేష్ తన తొలిప్రేమ జ్ఞాపకాలను గుర్తుచేసుకోవడంతో పాట మొదలైంది. కాలేజీ డేస్ ప్రేమలో వుండే అందం, అమాయకత్వం ఈ పాటలో లవ్లీగా ప్రజంట్ చేశారు. 90లలో యంగ్ సందీప్ ఫస్ట్ లవ్ ని ఈ పాటలో అందంగా చూపించారు. ఈ పాటలో శేష్, సాయి మంజ్రేకర్ జోడి చాలా క్యూట్‌గా అలరించింది. శేష్ అచ్చం కాలేజీ స్టూడెంట్‌లానే మేకోవర్ కావడం విశేషం. ఈ లవ్లీ మెలోడీకి రాజీవ్ భరద్వాజ్ అందించిన సాహిత్యం కూడా అంతే హాయిగా అనిపించింది. అర్మాన్ మాలిక్, చిన్మయి శ్రీపాద ఈ పాటని మరింత శ్రావ్యంగా ఆలపించారు. శశి కిరణ్ తిక్క దర్శకత్వం వహించిన ఈ చిత్రాన్ని మహేష్ బాబు జీఏంబీ ఎంటర్‌టైన్‌మెంట్, ఏ ప్లస్ ఎస్ మూవీస్‌తో కలిసి సోనీ పిక్చర్స్ ఫిలిమ్స్ ఇండియా భారీగా నిర్మించింది.
Oh Isha lyrical song out from Major