నితిన్ కథానాయకుడిగా వక్కంతం దర్శకత్వంలో శ్రేష్ఠ్ మూవీస్, ఆదిత్య మూవీస్ అండ్ ఎంటర్‌టైన్‌మెంట్స్, రుచిర ఎంటర్‌టైన్‌మెంట్స్ బ్యానర్స్‌పై సుధాకర్ రెడ్డి, నికితా రెడ్డి నిర్మిస్తోన్న ఔట్ అండ్ ఔట్ ఎంటర్‌టైనర్ ‘ఎక్స్‌ట్రా ఆర్డినరీ మ్యాన్’. డిసెంబర్ 8న రిలీజ్ అవుతున్న ఈ సిినిమా నుంచి చిత్ర యూనిట్ ‘ఓలే ఓలే పాపాయి..’ అనే పాటను రిలీజ్ చేసింది. హేరిస్ జైరాజ్ సంగీత సారథ్యంలో ఈ పాటను రామ్ మిర్యాల, ప్రియా హేమెస్ పాడారు. కాసర్ల శ్యామ్ పాటను రాశారు.
ఈ సందర్భంగా జరిగిన విలేకరుల సమావేశంలో చిత్ర నిర్మాత ఎమ్.సుధాకర్ రెడ్డి మాట్లాడుతూ… “ఎక్స్‌ట్రా ఆర్డినరీ మ్యాన్’ సినిమా కోసం నితిన్, డైరెక్టర్ వక్కంతం వంశీ ఎంతో కష్టపడ్డారు. టైటిల్‌కి తగ్గట్టు, ప్రేక్షకుల అంచనాలకు ధీటుగా సినిమా ఉంటుంది”అని అన్నారు.
దర్శకుడు వక్కంతం వంశీ మాట్లాడుతూ “‘ఎక్స్‌ట్రా ఆర్డినరీ మ్యాన్’ సినిమా టీజర్, పాటలు, ఇప్పుడు ట్రైలర్‌కు అద్భుత స్పందన వచ్చింది. ట్రైలర్ చూసి ప్రేక్షకులు చాలా ఎంజాయ చేశారు. ట్రైలర్‌కు పదింతలుగా ‘ఎక్స్‌ట్రా ఆర్డినరీ మ్యాన్’ ఉంటుంది”అని తెలిపారు. హీరో నితిన్ మాట్లాడుతూ “ఎక్స్‌ట్రా ఆర్డినరీ మ్యాన్ మూవీ ఎక్స్‌ట్రా ఎంటర్‌టైన్‌మెంట్‌తో ఎక్స్‌ట్రార్డినరీగా ఉండబోతుంది. నా కెరీర్‌లో నేను చేసిన సినిమాల్లో ఇది బెస్ట్ క్యారెక్టర్ అవుతుంది”అని పేర్కొన్నారు.