- Advertisement -
వనపర్తి: జిల్లాలో రోడ్డు ప్రమాదం జరిగింది. కొత్తకోట మండలంలో విలియన్‌ కొండ వద్ద కూలీలతో వెళ్తున్న ఓ ట్రాక్టర్‌ అదుపుతప్పి బోల్తా పడింది. దీంతో ఒకరు మృతి చెందగా, మరో ఏడుగురు తీవ్రంగా గాయపడ్డారు. కర్నూలులోని కొడుమూరులోని ఉరుకొండకు చెందిన 30మంది కూలీలు, సంగారెడ్డిలో పత్తి ఏరడానికి ఆదివారం తెల్లవారుజామున ట్రాక్టర్‌లో వస్తున్న సమయంలో ఈ ప్రమాదం జరిగింది. సమాచారం అందుకున్న పోలీసులు ఘటనాస్థలానికి చేరుకుని క్షతగాత్రులను వనపర్తి జిల్లా ఆస్పత్రికి తరలించారు. అనంతరం ఈ ఘటనపై కేసు నమోదుచేసుకున్న పోలీసులు దర్యాప్తు చేస్తున్నట్లు తెలిపారు.
One Died after Tractor Turns over in Wanaparthy
- Advertisement -