- Advertisement -
జగిత్యాల: ఎడ్లబండిని బైక్ ఢీకొట్టడంతో ఓ వ్యక్తి మృతి చెందిన సంఘటన జగిత్యాల జిల్లా ధర్మపురి మండలం నేరెళ్లలో జరిగింది. పోలీసులు తెలిపిన వివరాల ప్రకారం… ధర్మపురిలో చంద్రయ్య అనే వ్యక్తి నివసిస్తున్నాడు. కోరుట్లలో బీడీ పరిశ్రమలో కార్మికుడిగా పని చేస్తున్నాడు. శనివారం ఉదయం విధులకు వెళ్తుండగా ధర్మపురిలో ఓ వ్యక్తిని చంద్రయ్య బైక్ లిఫ్ట్ అడిగాడు. కోరుట్లకు వెళ్తుండగా నేరెళ్ల శివారులో ఎండ్లబండిని బైక్ ఢీకొట్టడంతో వెనుక కూర్చున్న చంద్రయ్యపై ఎండ్లబండి పడడంతో ఘటనా స్థలంలో అతడు చనిపోయాడు. బైక్ నడుపుతున్న వ్యక్తి ఘటనా స్థలం నుంచి వెంటనే పారిపోయాడు. స్థానికుల సమాచారం మేరకు పోలీసులు ఘటనా స్థలానికి చేరుకొని కేసు నమోదు చేసి దర్యాప్తు చేస్తున్నారు.
- Advertisement -