- Advertisement -
తిరుపతి: తిరుచానూరు పద్మావతి అమ్మవారి కార్తీక బ్రహ్మోత్సవాల మొదటిరోజైన గురువారం రాత్రి పద్మావతి అమ్మవారు మురళి కృష్ణుడి అలంకారంలో పిల్లనగ్రోవి ధరించి చిన్న‌శేష‌వాహ‌నంపై అభ‌య‌మిచ్చారు. మొదటి వాహనం చిన్నశేషుడు. చిన్నశేష వాహనంపై అమ్మవారు జీవకోటిని ఉద్ధరించే లోకమాతగా దర్శనమిస్తారు. శేషభూతమైన ఈ ప్రపంచం సిరులతల్లి రక్షణలో సుఖాన్ని పొందుతోంది. ఈ వాహనంపై అమ్మవారి ద‌ర్శ‌నం వ‌ల్ల యోగసిద్ధి చేకూరుతుందని భక్తుల విశ్వాసం.
వాహనసేవలో పెద్దజీయ‌ర్ స్వామి, చిన్నజీయ‌ర్ స్వామి, ఇఒ జె.శ్యామల రావు దంపతులు, జెఇఒ వీర‌బ్ర‌హ్మం, గౌతమి, ఆలయ డీప్యూటీ ఇఒ గోవింద రాజన్, ఆలయ అర్చ‌కులు బాబుస్వామి, టెంపుల్ ఇన్‌స్పెక్ట‌ర్ చలపతి, సుభాష్, ఎవిఎస్ఒ సతీష్ కుమార్, ఇతర అధికారులు, పాల్గొన్నారు.
- Advertisement -