- Advertisement -
అహ్మదాబాద్ : బాలీవుడ్ నటి పాయల్ రోహత్గీని అహ్మదాబాద్ పోలీసులు శుక్రవారం అరెస్టు చేశారు. ఈ నటి స్థానికంగా శాటిలైట్‌ఏరియాలోని విలావసవంతపు హౌసింగ్ కాలనీ సొసైటీ నివాసితులను బెదిరిస్తూ వస్తున్నారని ఫిర్యాదు అందడంతో పోలీసులు ఆమెను నిర్బంధంలోకి తీసుకున్నారని శుక్రవారం అధికారులు తెలిపారు. సొసైటీ ఛైర్మన్ డాక్టర్ పరాగ్ షా ఇచ్చిన ఫిర్యాదు మేరకు తాము స్పందించినట్లు శాటిలైట్ ఏరియా పోలీసు అధికారి ఎఎస్ రాయ్ తెలిపారు. 36 సంవత్సరాల నటి తన తల్లిదండ్రులతో కలిసి ఏడాదిగా ఈ సొసైటీలో ఉంటున్నారు. ఇక్కడ ఆమె తన దౌర్జన్యచర్యలతో అందరిని బెదిరిస్తున్నారని, పిల్లలు పెద్దలు తేడా లేకుండా కాళ్లువిరగొడుతానని దూకుడుగా వ్యవహరిస్తున్నారని , దీనిని ప్రశ్నించినందుకు తమను బూతులు తిట్టారని, కొట్టిస్తానని చెప్పారని సొసైటీ ఛైర్మన్ తమ ఫిర్యాదులో తెలిపారు.
- Advertisement -