రంగారెడ్డి: మొయినాబాద్ ఫాంహౌస్ ఘటనలో ఆడియో రికార్డు బయటికొచ్చింది. పైలెట్ రోహిత్ రెడ్డి, రామచంద్రభారతి మధ్య ఫోన్ సంభాషణ బయటపడింది. ఫాంహౌస్ మీటింగ్‌కు ముందు రామచంద్రభారతితో రోహిత్ రెడ్డి ఫోన్లో మాట్లాడారు.
పైలట్‌రోహిత్‌రెడ్డితో రామచంద్రభారతి ఆడియో సంభాషణ
రామచంద్రభారతి: హలో.. హలో..
రోహిత్‌రెడ్డి: స్వామీజీ మాట్లాడండి
రోహిత్‌రెడ్డి: నమస్కారం స్వామీజీ.. ఎలా ఉన్నారు
రామచంద్రభారతి: బాగున్నాను, మీరు ఎలా ఉన్నారు
రోహిత్‌రెడ్డి: జీ, నంద జీకి మాకు మధ్య చర్చలు జరుగుతున్నాయి
రామచంద్రభారతి: మాకు ఇంకొంచెం వివరాలు కావాలి, అక్కడ మాట్లాడుతాను
రోహిత్‌రెడ్డి: నేను ఇప్పటికే వారితో మాట్లాడాను, వారు ఒప్పుకున్నారు
రామచంద్రభారతి: నాకు ఒక సారి పేర్లు ఖరారు చేస్తే సులభమైపోతుంది
రోహిత్‌రెడ్డి: స్వామిజీ ఇప్పుడే పేర్లు చెప్పడం కష్టం, ఇప్పటికైతే నాకు ఇద్దరు కన్‌ఫర్మ్ చేశారు
రోహిత్‌రెడ్డి: కానీ ఒకసారి కలిసి మాట్లాడుకుంటే మంచిది
రామచంద్రభారతి: కచ్చితంగా కలుద్దాం, 24 తారీకు వరకు నేను బెడ్‌రెస్ట్‌లో ఉన్నాను, 24 వరకు రాలేను
రామచంద్రభారతి: 24 తారీకు తర్వాత నన్ను ఒకసారి రమ్మంటావా, హైదరాబాదైనా లేదా మరెక్కడైనా కలుద్దాం
రామచంద్రభారతి: హైదరాబాద్‌ వద్దు ఇంకెక్కడైనా కలుద్దామా
రోహిత్‌రెడ్డి: అలా కాదు స్వామిజీ.. సమస్యేంటంటే ఇప్పుడు ఎలక్షన్స్‌ జరుగుతున్నాయి, మీకు తెలుసుకదా
రోహిత్‌రెడ్డి: మా మీద కూడా దృష్టి ఉంటుంది, వేరే ప్లేస్‌ వద్దు, హైదరాబాద్‌లో అయితేనే బాగుంటుంది
రోహిత్‌రెడ్డి: ఎందుకంటే మేమంతా హైదరాబాద్‌లోనే ఉంటాం కాబట్టి, హైదరాబాద్‌ బెస్ట్ ప్లేస్‌ మనకు
రోహిత్‌రెడ్డి: మీరు కలవాలనుకున్న రోజు బి.ఎల్‌.సంతోష్ జీ కూడా చార్టర్‌లో వస్తానని నందూ చెప్పాడు
రోహిత్‌రెడ్డి: ఒక అరగంట సేపు మనం చర్చించుకోవచ్చు, ముగించుకోవచ్చు
రామచంద్రభారతి: రేపు ఉదయం నేను బి.ఎల్‌.సంతోష్‌తో మాట్లాడుతా
రామచంద్రారెడ్డి: బల్క్‌ రెడీగా ఉంటే బి.ఎల్‌.సంతోష్ కూడా వస్తారు
రోహిత్‌రెడ్డి: చూడండి స్వామిజీ, నాతో కలిపి ముగ్గురు రెడీగా ఉన్నారు
రామచంద్రభారతి: మనం ఏం చేద్దామంటే, 24 తర్వాత ఒకసారి నేను హైదరాబాద్‌ వస్తాను
రామచంద్రభారతి: మనం కూర్చొని మాట్లాడుకుందాం, అదే రోజు మనం నిర్ణయం తీసుకొని ముందుకెళ్దాం
రోహిత్‌రెడ్డి: ఓకే స్వామిజీ, మనం అలాగే చేద్దాం కానీ..
రామచంద్రభారతి: మీరు నందూజీతో ఏదైతే మాట్లాడారో అందులో ఎలాంటి సమస్యా లేదు
రామచంద్రభారతి: మిగిలిన విషయాలు మనం మాట్లాడుకోవచ్చు
రోహిత్‌రెడ్డి: నందుజీ నాకు ఈ ప్రపోజల్‌ ఇచ్చారు, నేను ఓకే అనుకున్నా
రోహిత్‌రెడ్డి: నాకు అన్ని విధాలా హామీ ఇచ్చారు, నా రక్షణ, నా భవిష్యత్‌పై నందూ నాకు హామీ ఇచ్చారు
రామచంద్రభారతి: కచ్చితంగా ఇదే విషయం మరోసారి మీ ముందే మాట్లాడుకుందాం
రామచంద్రభారతి: ఇందులో సందేహం లేదు, ముందు వచ్చినవారే ముందు వరుసలో ఉంటారు
రామచంద్రభారతి: మీరు వ్యవస్థను బాగా చదివారు, అసలు విషయం ఏంటో కచ్చితంగా తెలుసు
రామచంద్రభారతి: అందుకే మిమ్మల్ని ప్రమోట్ చేయడం మాకు చాల సులభం
రోహిత్‌రెడ్డి: నేను కూడా ఆసక్తిగానే ఉన్నా, ఇప్పటికే నా గురించి మీ అందరికీ తెలుసు
రామచంద్రభారతి: తప్పకుండా మీకు మేం సపోర్ట్‌గా ఉంటాం
రామచంద్రభారతి: అవన్ని మనం ఫోన్లో మాట్లాడుకోవడం మంచిది కాదు
రామచంద్రభారతి: ఇందులో ఎలాంటి కన్ఫ్యూజన్‌ లేదు, మిగిలిందంతా మేం చూసుకుంటాం
రామచంద్రభారతి: మీరు ఎలాంటి ప్రపోజల్‌ ఇచ్చినా దాని ప్రకారమే ముందుకెళ్తాం
రోహిత్‌రెడ్డి: నాకేమీ తొందర లేదు, నందూయే రేపు, రేపు అంటూ తొందర పెడుతున్నారు
రామచంద్రభారతి: మునుగోడు ఎన్నికల తేదీ 3కు ముందే చేరితే మరోలా ఉంటుంది
రామచంద్రభారతి: మా ఆర్గనైజేషన్‌లో స్ట్రాంగ్‌ లీడర్‌ కావాలని అనుకున్నాం
రామచంద్రభారతి: అందుకే నేను నందుపై ఒత్తిడి తెస్తున్నా
రామచంద్రభారతి: 4, 5 రోజులుగా నందు నిద్రకూడా పోవడం లేదు
రామచంద్రభారతి: మరో ఇద్దరు, ముగ్గురిని పేర్లు కూడా నందూ తీసుకొచ్చాడు, కానీ వద్దనుకున్నాం
రామచంద్రభారతి: ఈనెల 26న కూర్చుంటే బాగుంటుంది
రామచంద్రభారతి: ఈనెల 25న అయినా పర్వాలేదు
నందూ: ఈనెల 25న గ్రహణం ఉంది, ఆ తర్వాత మనం ఎప్పుడు కూర్చున్నా బాగుంటుంది
నందూ: స్వామిజీ మీరు మరోసారి క్లారిటీ తీసుకోగలరు
నందూ: మేం కూడా ఎక్కువ మందిని తీసుకురావడానికి ప్రయత్నిస్తాం
నందూ: ఎలాగూ దీపావళి కూడా ఉంది, అప్పటివరకు మేం మరింత మందిని తీసుకురావడానికి ప్రయత్నిస్తాం
రామచంద్రభారతి: నేను ఇప్పటికే ఇద్దరికీ ఆ విషయాన్ని చెప్పాను
నందు: ఇద్దరికీ చెప్పారా స్వామీజీ, వాళ్లు ఈరోజు ఎక్స్‌పెక్ట్‌ చేస్తున్నారు కదా స్వామీజీ..
రామచంద్రభారతి: అవును, వాళ్లు ఈరోజే అనుకుంటున్నారు, అందుకోసమే ఢిల్లీలో ఉన్నారు
రామచంద్రభారతి: ఈరోజు సాయంత్రం 4 గంటలకు చార్టర్‌లో అహ్మదాబాద్‌ వెళ్తున్నారు
నందూ: నెం.2తో నా, నెం.1తోనా
రామచంద్రభారతి: నెం.1తో వెళ్లారు, క్షమించాలి కాదు, కాదు నెం.-2తో వెళ్లారు
రోహిత్‌రెడ్డి: స్వామీజీ మరో విన్నపం ఏంటంటే, ఎక్కువ మందిని ప్రయత్నం చేయొద్దు
రోహిత్‌రెడ్డి: మా సీఎం గురించి మీకు తెలుసు కదా, చాలా దూకుడు స్వభావం గల వ్యక్తి
రోహిత్‌రెడ్డి: మా సీఎంకు తెలిస్తే మా పని పడతారు, మేం ముగ్గురం అయితే సిద్ధంగా ఉన్నాం
రామచంద్రభారతి: ఆ ముగ్గురి పేర్లు నేను తెలుసుకుంటే ముందుకెళ్లడానికి మరింత సులభం
రామచంద్రభారతి: అధిష్టానం నుంచి గ్రీన్‌ సిగ్నల్‌ ఉంది, మనం ఈనెల 26న కూర్చొని మాట్లాడుకుందాం
రామచంద్రభారతి: నెం.2 ఎదుట ఎవరెవరు ఓకే అన్నారో పేర్లు చెబుతారా
రోహిత్‌రెడ్డి: నెం.2 ఎదుట పేర్లు చెప్పడానికి నాకు ఎలాంటి అభ్యంతరం లేదు
రోహిత్‌రెడ్డి: ప్లీజ్‌ ప్లీజ్‌ ఈ విషయం బయటకు పొక్కొద్దు
రామచంద్రభారతి: మీకు ఈడీ నుంచి ఐటీ వరకు ఎలాంటి ఇబ్బంది ఉండదు
రామచంద్రభారతి: మీ భద్రత, మీ భవిష్యత్‌ అంతా కేంద్రం చూసుకుంటుంది
రామచంద్రభారతి: మా సంస్థలో బి.ఎల్‌.సంతోష్ చాలా కీలకం
రామచంద్రభారతి: నెం.1, 2లే బి.ఎల్‌.సంతోష్ ఇంటికి వస్తుంటారు
రామచంద్రభారతి: నెం.1, నెం.2ల ఇంటికి బి.ఎల్‌. సంతోష్ వెళ్లరు, అది ఆర్ఎస్ఎస్ ప్రొటోకాల్
రామచంద్రభారతి: ఇలాంటి విషయాలను హ్యాండిల్‌ చేయడంలో బెంగాల్‌ ఎపిసోడ్‌ మాకు మంచి అనుభవం
నందూ: స్వామీజీ మరొక్క విషయం, రోహిత్ సార్‌కు శరత్‌ చాలా దగ్గరి వ్యక్తి
రామచంద్రభారతి: అరబిందో ఫార్మా శరతేనా.. అది చాలా సంక్లిష్టమైన కేసు, మనం వారితో కూర్చొని డీల్‌ చేయాలి
నందూ: స్వామీజీ, మీరు వచ్చినప్పుడు వాళ్లతో మీటింగ్‌ ఏర్పాటు చేస్తాం
రోహిత్‌రెడ్డి: నందన్న వద్దు.. నందన్నా ఈ ఫాల్స్‌ ప్రామిసెస్ వద్దు, స్వామీజీ ఇందులో నేను ఇన్వాల్వ్‌ కాను
రోహిత్‌రెడ్డి: అతను నాకు మంచి మిత్రుడే కానీ, ప్రస్తుతానికి ఆ విషయంలో ఇన్వాల్వ్‌ కాలేను స్వామీజీ
రామచంద్రభారతి: సరే, పర్వాలేదు, మనం ఒకదాని తర్వాత ఒకటి ఆలోచిద్దాం
రోహిత్‌రెడ్డి: -థాంక్యూ స్వామీజీ
రామచంద్రభారతి: థ్యాంక్యూ…