రెబల్ స్టార్ ప్రభాస్, క్రియేటివ్ డైరెక్టర్ నాగ్‌అశ్విన్‌ల ఫ్యూచరిస్టిక్ ఫిల్మ్ ‘ప్రాజెక్ట్ కె’ కోసం ప్రపంచవ్యాప్తంగా ప్రేక్షకులు ఎంతగానో ఎదురుచూస్తున్నారు. ప్రభాస్ పుట్టినరోజు సందర్భంగా మేకర్స్ ‘ప్రాజెక్ట్ కె’ కొత్త పోస్టర్‌ను విడుదల చేశారు. ఈ పోస్టర్‌లో ప్రభాస్ చేయి ఓ కవచంతో గాలిలోకి దూసుకెళుతున్నట్లు కనిపిస్తోంది. పోస్టర్‌పై ‘హీరోస్ ఆర్ నాట్ బార్న్, దే రైజ్’ (హీరోలు పుట్టరు, ఎదుగుతారు) అనే మాటలు ప్రభాస్ హీరోయిక్ పాత్రని తెలియజేస్తున్నాయి. ఈ చిత్రంలో బిగ్‌బి అమితాబ్ బచ్చన్ కీలకపాత్ర పోషిస్తుండగా, ప్రభాస్ సరసన దీపికా పదుకొనే కథానాయికగా నటిస్తోంది. విజయవంతంగా 50 ఏళ్ళు పూర్తి చేసుకుంటున్న టాలీవుడ్ ప్రముఖ నిర్మాణ సంస్థ వైజయంతీ మూవీస్ ఈ గోల్డెన్ జూబ్లీ ప్రాజెక్ట్‌ను అత్యంత భారీ బడ్జెట్‌తో ప్రతిష్టాత్మకంగా నిర్మిస్తోంది. అశ్వినిదత్ నిర్మాత.
Prabhas Birthday: Heroic Poster Out from ‘Project K’