ప్రేమ్ కుమార్ వ్య‌థ పేరుతో ఈ ట్రైల‌ర్‌ను విడుద‌ల చేయ‌టం ఆసక్తికరంగా ఉంది. అస‌లు హీరో క్యారెక్ట‌రైజేష‌న్‌ను ఆసక్తికరంగా మ‌లిచారు. హీరో పెళ్లి వ‌య‌సు వ‌చ్చింద‌ని పెళ్లి చేసుకోవాల‌నుకుంటాడు. కానీ ఏదో ఒక కార‌ణంతో అత‌ని పెళ్లిళ్లు ఆగిపోతుంటాయి. దీంతో హీరోని అంద‌రూ ఆట ప‌ట్టిస్తుంటారు. చివ‌ర‌కు విసిగిపోయిన హీరో పెళ్లి చేసుకోకూడ‌ద‌ని నిర్ణ‌యించుకుని ఓ డిటెక్టివ్ ఏజెన్సీ పెట్టుకుంటాడు. అప్పుడు అత‌ని హీరోయిన్ ఎలా పరిచయం అవుతుంది. అస‌లు హీరోకి పెళ్లి అవుతుందా? అనేది తెలుసుకోవాలంటే సినిమా చూడాల్సిందేంటున్నారు ద‌ర్శ‌క నిర్మాత‌లు.
కథలో ట్విస్టులు మీద ట్విస్టులు ఆస‌క్తికంగా ఉన్నాయి. టీజ‌ర్‌ను వైవిధ్యంగా రిలీజ్ చేసి ఆడియెన్స్ దృష్టిని ఆక‌ర్షించిన మేకర్స్.. ఇప్పుడు ట్రైల‌ర్‌ను అంత‌కు మించిన ఎంట‌ర్‌టైన్మెంట్‌తో మిక్స్ చేసి రిలీజ్ చేశారు. ఈ చిత్రానికి సంగీతం ఎస్.అనంత్ శ్రీకర్ అందించగా.. ఎడిటర్ గ్యారీ బీహెచ్ వ్యవహరిస్తున్నారు. డీఓపీగా రాంపీ నందిగం పనిచేస్తున్నారు.