సచివాలయ సిబ్బందికి పదోన్నతులు

120 మందికి ప్రమోషన్లు ఇస్తూ ప్రభుత్వం ఉత్తర్వులు జారీ
59 మంది అసిస్టెంట్ సెక్షన్ ఆఫీసర్లకు సెక్షన్ ఆఫీసర్లుగా పదోన్నతి

మన తెలంగాణ/హైదరాబాద్ : సచివాలయ ఉద్యోగుల పదోన్నతి ప్రక్రియ పూర్తయింది. 120 మంది ఉద్యోగులకు పదోన్నతులు కల్పిస్తూ ప్రభుత్వం ఉత్తర్వులు జారీ చేసింది. 59 మంది అసిస్టెంట్ సెక్షన్ ఆఫీసర్ల నుంచి సెక్షన్ ఆఫీసర్లుగా పదోన్నతి పొందారు. 33 మందికి సహాయ కార్యదర్శులుగా, 20 మందికి ఉప కార్యదర్శులుగా, 8 మందికి సంయుక్త కార్యదర్శులుగా పదోన్నతి కల్పించింది. అలాగే, నలుగురు జాయింట్ సెక్రెటరీలు అడిషనల్ సెక్రటరీలుగా పదోన్నతి పొందారు. బుధవారం తరువాయి ఉద్యోగుల పదోన్నతికి సంబంధించిన ఫైల్ సిఎం కెసిఆర్ సంతకం చేశారు. మూడు రోజుల ఢిల్లీ పర్యటనకు వెళ్లే ముందు ప్రక్రియ పూర్తి చేయాలని అధికారులు ఆదేశాలిచ్చారు. న్యాయపరమైన అంశాల వివాదాల్లో లేని 120 మందికి పదోన్నతులు కల్పించారు.