కాంగ్రెస్ బస్సు యాత్రను ప్రారంభించనున్న నేతలు
మన తెలంగాణ / హైదరాబాద్ : కాంగ్రెస్‌పార్టీ అగ్రనేతలు రాహుల్ గాం ధీ, ప్రియాంక గాంధీలు బుధవారం తెలంగాణలో పర్యటించనున్నారు. ఎన్నికల ప్రచారంలో భాగంగా కాంగ్రెస్ చేపట్టనున్న బస్సు యాత్రను వీరు ప్రారంభిస్తారు. బుధవారం సాయంత్రం 4 గంటలకు ములుగు జిల్లాలోని రామప్ప దేవాలయంలో రాహుల్, ప్రియాంక ప్రత్యే క పూజలు నిర్వహించనున్నారు. అనంతరం అక్కడ బస్సు యాత్రను ప్రారంభిస్తారు. ఈ బస్సు యాత్రలో మూడు రోజుల పాటు రాహుల్ గాంధీ పాల్గొంటారు. యాత్రలో భాగంగా రైతులు, మహిళలతో రాహు ల్ సమావేశమవుతారు.
పలుచోట్ల బహిరంగ సభలు ప్రసంగిస్తారు. 18న ములుగు, భూపాలపల్లిలో రాహుల్ పర్యటించనున్నారు. ములుగులో బహిరంగ సభలో రాహుల్ ప్రసంగిస్తారు.19న కరీంనగర్ జిల్లాలో ప్రచారం నిర్వహించనున్నారు. ఆ రోజున భూపాలపల్లిలో బహిరంగ సభలో రాహుల్ పాల్గొంటారు. 20న నిజామాబాద్ జిల్లాలో రాహుల్ బస్సు యాత్రను కొనసాగుతుంది. ఆ రోజున ఆర్మూరులో పసుపు రైతులతో రాహుల్ భేటీ అవుతారు. అదేరోజు బహిరంగ సభలో పాల్గొంటారు. ఈ పర్యటన సందర్భంగా పలు ప్రాంతాల్లో రాహుల్ పాదయాత్ర చేయనున్నారు. దసరా తర్వాత రెండో విడత బస్సు యాత్రలో ప్రియాంకగాంధీ పాల్గొననున్నారు. నామినేషన్ల ప్రక్రియ ముగిసిన తర్వాత మూ డో విడత బస్సు యాత్ర చేపట్టనున్నట్లు కాంగ్రెస్ పార్టీ తెలిపింది. ఈ యాత్రలో సోనియాగాంధీ, మల్లిఖార్జునఖర్గే హాజరయ్యేఅవకాశముంది.