హీరో శ్రీవిష్ణు నటించిన ‘రాజ రాజ చోర’ తాజాగా విడులైంది. ఈ సినిమా మంచి పాజిటివ్‌టాక్‌తో దూసుకుపోతోంది. ఈ సందర్భంగా చిత్ర నిర్మాతలు అభిషేక్ అగర్వాల్, వివేక్ కూచిబొట్ల మీడియాతో మాట్లాడుతూ “మా సినిమాకు ప్రపంచవ్యాప్తంగా ప్రేక్షకుల నుండి అద్భుతమైన స్పం దన వస్తోంది. కన్నడలో కూడా మంచి కలెక్షన్స్ వస్తున్నాయి. కోవిడ్ లేకుంటే కలెక్షన్స్ మరింత ఎక్కువగా వచ్చేవి. ఆంధ్రలో థియేటర్లలో 50 శాతం ఆక్యుపెన్సీతో పా టు టికెట్ రేట్లు కూడా తక్కువ. ఈ పరిస్థితుల్లో ఇంత మంచి కలెక్షన్స్ వస్తుండడంతో చాలా హ్యాపీగా ఉన్నాము. దర్శకుడు హసిత్‌గోలి చెప్పిన కథ కంటే 10 రెట్లు ఎక్కువ బాగా ఈ సినిమా తీశారు. ఈ కథకి సంగీతం, సినిమాటోగ్రఫీ అన్నీ బాగా కుదిరాయి. దీంతో సినిమాకు అన్ని ఏరియాల్లో మంచి కలెక్షన్స్ వస్తున్నాయి. థియేటర్స్ కూడా పెరుగుతున్నాయి. ప్రస్తుతం కళ్యాణ్‌దేవ్ హీరోగా శ్రీధర్ సీపాన దర్శకత్వంలో ఒక సినిమా చేస్తున్నాం. అలాగే ‘కార్తికేయ 2’ ఫైనల్ షెడ్యూల్ షూటింగ్ జరుగుతోంది. అలాగే ‘గూఢచారి 2’ సినిమా చేస్తున్నాం”అని అన్నారు.