గ్లోబల్ స్టార్ రామ్ చరణ్ హీరోగా స్టార్ డైరెక్టర్ ఎస్.శంకర్ దర్శకత్వంలో తెరకెక్కిన ‘గేమ్ చేంజర్’ సినిమాపై భారీ అంచనాలు నెలకొన్నాయి. ఈ చిత్రంలో రామ్ చరణ్ సరసన కియారా అద్వాణీ హీరోయిన్‌గా నటించారు. ఈ సినిమాను అనిత సమర్పణలో శ్రీవెంకటేశ్వర క్రియేషన్స్, జీ స్టూడియోస్, దిల్ రాజు ప్రొడక్షన్ బ్యానర్స్‌పై దిల్ రాజు, శిరీష్ నిర్మించారు. తెలుగు, తమిళ్, హిందీ భాషల్ల్లో ఈ మూవీ జనవరి 10న ప్రపంచ వ్యాప్తంగా విడుదల కానుంది. ఈ నేపథ్యంలో విజయవాడలోని వజ్ర గ్రౌండ్స్ లో గేమ్ ఛేంజర్ కోసం భారీ ఈవెంట్ నిర్వహించబోతున్నారు. 29న జరగనున్న ఈ కార్యక్రమంలో భారీ రామ్ చరణ్ కటౌట్ ను ఆవిష్కరించనున్నారు. 250 అడుగుల భారీ కటౌట్ ఇది.
ఓ హీరోకు ఇండియాలో ఇంత పెద్ద కటౌట్ ఇంతవరకు ఏర్పాటుచేయలేదంటున్నారు మెగా ఫ్యాన్స్. అదే ఈవెంట్‌లో హెలికాప్టర్లు పెట్టి పూల వర్షం కురిపించాలని మేకర్స్ నిర్ణయించారు. ఈ కార్యక్రమం కోసం నిర్మాత దిల్ రాజు భారీగా ఖర్చు చేస్తున్నారు. తాజాగా ఈ సినిమా నుంచి ‘ధోప్’ సాంగ్ రిలీజ్ చేశారు. అది క్యాచీగా ఉంది. ఇక ‘గేమ్ ఛేంజర్’ సినిమాకు సంబంధించి ఇప్పటికే ఓ భారీ ఈవెంట్ నిర్వహించారు. అమెరికాలోని డల్లాస్‌లో జరిగిన ఈ ఈవెంట్ సూపర్ సక్సెస్ అయింది. ఇప్పుడు అంతకుమించి మరో కార్యక్రమాన్ని విజయవాడ కేంద్రంగా నిర్వహించేందుకు యూనిట్ రెడీ అవుతోంది.