గ్లోబల్ స్టార్ రామ్ చరణ్ ప్రస్తుతం దర్శకుడు బుచ్చిబాబు సానా డైరెక్షన్‌లో ‘ఆర్‌సి 16’ చిత్రంలో నటిస్తున్నాడు. ఈ సినిమాను స్పోర్ట్ బ్యాక్‌డ్రాప్‌లో రూపొందిస్తున్నారు. ఇప్పటికే షూటింగ్ జరుపుకుంటున్న ఈ సినిమాలో కన్నడ స్టార్ హీరో శివ రాజ్ కుమార్ ఓ కీలక పా త్రలో నటిస్తున్నాడు. ఇక ఈ సినిమాలో ఆయన పాత్ర ఎలా ఉండబోతుందా అనే ఆసక్తి అభిమానుల్లో నెలకొంది. కాగా ఈ సినిమా షూటింగ్‌లో ఎప్పుడు చేరే విషయంపై స్వయంగా శివ రాజ్ కుమార్ ఓ ఇంటర్వ్యూలో క్లారిటీ ఇచ్చారు. ఆర్‌సి 16 మూవీ షూటింగ్ కోసం మార్చి 5న హైదరాబాద్ వస్తున్నట్లు శివ రాజ్ కుమార్ తెలిపారు.
హైదరాబాద్‌లో కొన్ని రోజుల పాటు రామ్ చరణ్ మూవీ షూటింగ్‌లో పాల్గొంటానని పేర్కొన్నారు. ఇక ఈ సినిమాలో రామ్ చరణ్‌తో పాటు శివన్న స్క్రీన్ షేర్ చేసుకునే సీన్స్ ఎంత పవర్‌ఫుల్‌గా ఉంటాయా అని ప్రేక్షకులు ఆసక్తిగా ఎదురుచూస్తున్నారు. ఈ సినిమాలో రామ్ చరణ్ సరికొత్త మేకోవర్‌తో కనిపించనున్నాడు. ఇక ఈ సినిమాలో అందాల భామ జాన్వీ కపూర్ హీరోయిన్‌గా నటిస్తోంది. ఈ చిత్రానికి ఏఆర్ రెహమాన్ సంగీతం అందిస్తుండగా మైత్రీ మూవీ మేకర్స్ భారీ బడ్జెట్‌తో ఈ చిత్రాన్ని ప్రొడ్యూస్ చేస్తున్నారు.