ముఖ్యమంత్రి ఎన్. చంద్రబాబు నాయుడు, డిప్యూటీ సిఎం పవన్ కళ్యాణ్, వారి కుటుంబ సభ్యుల చిత్రాలను ‘అసభ్యంగా’ మార్ఫింగ్ చేశారనే ఆరోపణలపై విచారణ కోసం వారి ముందు హాజరు కావడానికి మరింత సమయం కావాలని సినీ దర్శకుడు రామ్ గోపాల్ వర్మ మంగళవారం ఆంధ్రప్రదేశ్ పోలీసులను అభ్యర్థించారని ఓ పోలీసు అధికారి తెలిపారు.
ప్రకాశం జిల్లాకు చెందిన పోలీసు బృందం ఇటీవల హైదరాబాద్‌లోని రామ్గోపాల్ జూబ్లీహిల్స్‌ నివాసానికి వెళ్లి డైరెక్టర్‌కు వ్యక్తిగతంగా నోటీసులు అందజేసి నవంబర్ 19న విచారణకు పిలిపించింది. ఇదిలావుండగా డైరెక్టర్ రామ్ గోపాల్ వర్మ మంగళవారం విచారణకు రాలేదని ప్రకాశం జిల్లా పోలీసు సూపరింటెండెంట్ ఏఆర్. దామోదర్ తెలిపారు.
“రామ్ గోపాల్ వర్మ తన లాయర్ ద్వారా రాతపూర్వక ప్రాతినిధ్యాన్ని పంపారు, అతను ప్రీ-షెడ్యూల్డ్ మూవీ షూటింగ్‌లో నిమగ్నమై ఉన్నందున, విచారణకు హాజరు కావడానికి దాదాపు నాలుగు నుండి ఐదు రోజులు సమయం కోరారు” అని ఎస్పీ పిటిఐ వార్తా సంస్థకి తెలిపారు.
డైరెక్టర్ అభ్యర్థన నిజమో అబద్ధమో పోలీసులు ధృవీకరిస్తారని, ఆపై చర్య తీసుకుంటారని, సాధారణంగా ఒకటి లేదా రెండు రోజులు సమయం మాత్రమే ఇస్తారని ఎస్పీ తెలిపారు.