- Advertisement -
హైదరాబాద్: ‘క్రాక్’ మూవీ బ్లాక్ బస్టర్ హిట్ కావడంతో మాస్ మ‌హ‌రాజా వరుస పెట్టి సినిమాలను ప్రకటిస్తున్నాడు. ప్రస్తుతం రవితేజ నటించిన ‘ఖిలాడీ’ విడుదలకు సిద్ధంగా ఉంది. ఈ మూవీ కాక..రవితేజ మరో నాలుగు సినిమాలు చేస్తున్నాడు. శరత్‌ మండవ దర్శకత్వంలో రవితేజ నటిస్తున్న సినిమా ‘రామారావు ఆన్‌ డ్యూటీ’. తాజాగా ఈ చిత్రం విడుదల తేదీని మేకర్స్ ప్రకటించారు. వచ్చే యేడాది మార్చి 25న ఈ సినిమాను విడుదల చేస్తున్నట్లు తెలుపుతూ కొత్త పోస్టర్ ను వదిలారు. సుధాకర్‌ చెరుకూరి నిర్మిస్తున్న ఈ మూవీలో రవితేజ సరసన దివ్యాంకా కౌశిక్, రజిషా విజయన్‌ హీరోయిన్లుగా నటిస్తున్నారు. కాగా, రవితేజ ఈ మూవీతోపాటు ‘థ‌మాకా’, ‘టైగర్ నాగేశ్వ‌ర‌రావు’, ‘రావణాసుర’ సినిమాలతో బిజీగా ఉన్నాడు.
‘Ramarao On Duty’ to release on March 25
- Advertisement -