యంగ్ బ్యూటీ రష్మిక మందన్న చాలా ఫిట్‌గా ఉంటుంది. తన అందాన్ని కాపాడుకోవడానికి ఆమె ప్రతి రోజూ ఎక్స్‌ర్‌సైజ్‌లు చేస్తుందట. అదే తన బ్యూటీ సీక్రెట్ అని చెబుతోంది రష్మిక. “ప్రతిరోజూ ఎక్సర్‌సైజ్‌లు చేయాలి. ఏ రోజూ గ్యాప్ ఇవ్వకూడదు. అదే నా బ్యూటీ సీక్రెట్. తప్పని పరిస్థితుల్లో తప్ప నేను ఎప్పుడూ ఎక్సర్‌సైజ్‌లు చేయడం ఆపను” అని చెప్పింది ఈ భామ. ఈ అమ్మడు గతంలో వర్కవుట్‌ల విషయంలో పెద్దగా సీరియస్‌గా ఉండేది కాదట. కానీ సినిమా ఇండస్ట్రీలో ఇతర నటీనటుల శ్రమపడే విధానాన్ని చూసి ఆమె స్ఫూర్తి పొందిందట. ఒక్కసారి జిమ్మింగ్ అలవాటు అయితే వదలం అని కూడా చెబుతోంది ఈ బ్యూటీ. అయితే ఎక్కువ సేపు జిమ్‌లో ఉండదట. తక్కువ టైంలో ఎక్కువ వర్కవుట్స్ చేయడం వల్ల మంచి ఫలితం వస్తుందని గ్రహించిందట ఈ భామ. హైదరాబాద్ లో ఆమెకి ప్రత్యేక ట్రైనర్ ఉన్నాడు. పాతికేళ్ల ఈ సుందరి త్వరలోనే రెండు కొత్త సినిమాలు ప్రకటించనుంది. ప్రస్తుతం ఆమె ‘పుష్ప 2’కి సిద్ధమవుతోంది.