- Advertisement -
కే సిరీస్ మూవీ ఫ్యాక్టరీ బ్యానర్‌పై క్రిష్ బండిపల్లి నిర్మాతగా బి.ఎన్.ఎస్.రాజు దర్శకత్వంలో తెరకెక్కుతున్న యాక్షన్ అండ్ ఫ్యామిలీ ఎంటర్‌టైనర్ ‘రావణలంక’. క్రిష్, అశ్విత, త్రిష జంటగా నటిస్తున్న ఈ సినిమాలో మురళీశర్మ, దేవ్ గిల్ ప్రధాన పాత్రలు పోషిస్తున్నారు. హైదరాబాద్‌లో జరిగిన కార్యక్రమంలో ప్రతాని రామకృష్ణ గౌడ్ మాట్లాడుతూ.. “చిన్న సినిమాలను ఆదరించడంలో మన తెలుగు ప్రేక్షకులు ఎప్పుడూ ముందుంటారు. ఇప్పుడు రావణ లంక సినిమా కూడా తప్పకుండా ప్రేక్షకులను మెప్పిస్తుందనే నమ్మకం నాకు ఉంది”అని తెలిపారు. హీరో కమ్ నిర్మాత క్రిష్ మాట్లాడుతూ “ఈ సినిమా కష్టపడి చేశాను. డైరెక్టర్ కష్టం తెరమీద కనిపిస్తుంది. రాహుల్ సిప్లిగంజ్, కాలభైరవ పాడిన పాటలకు మంచి స్పందన వస్తోంది”అని అన్నారు. ఈ కార్యక్రమంలో సంపూర్ణేష్‌బాబు, అస్మితా, బిఎస్‌ఎస్.రాజు తదితరులు పాల్గొన్నారు.
- Advertisement -