రావణాసుర టీజర్: ‘సీతను తీసుకుని వెళ్లాలంటే సముద్రం దాటితే సరిపోదు’..

వరుస బ్లాక్ బస్టర్స్ తో దూసుకుపోతున్న మాస్ మహారాజా రవితేజ క్రియేటివ్ డైరెక్టర్ సుధీర్ వర్మ దర్శకత్వంలో యాక్షన్ థ్రిల్లర్ “రావణాసుర”లో కనిపించనున్నాడు. సుశాంత్ కీలక పాత్రలో నటిస్తున్న ఈ చిత్రాన్ని అభిషేక్ నామా, రవితేజ సంయుక్తంగా నిర్మిస్తున్నారు. హర్షవర్దన్ రామేశ్వర్ – భీమ్స్ సంగీతాన్ని సమకూర్చిన ఈ చిత్రం నుంచి కాసేపటి క్రితమే టీజర్ ను విడుదల చేసింది చిత్రయూనిట్.

ఈ సిన్మాలో హీరో తాను టార్గెట్ చేసినవారిని వరుసగా అంతం చేస్తూ వెళుతుంటాడు. ఆయన చంపే తీరు కూడా రాక్షసంగా ఉంటుంది. పోలీస్ ఆఫీసర్స్ గా జయరామ్ – మురళీశర్మ రవితేజను పట్టుకోవడానికి ప్రయత్నిస్తున్నట్లు కనిపిస్తున్నారు. హీరో ఎందుకు అలా మారాడనేది ఈ చిత్రంలో సస్పెన్స్. ‘సీతను తీసుకుని వెళ్లాలంటే సముద్రం దాటితే సరిపోదు.. ఈ రావణాసురుడిని దాటి వెళ్లాలి’ అనే హీరో డైలాగ్ ఈ టీజర్ కి హైలైట్ గా నిలిచింది. ఈ సినిమాలో అనూ ఇమ్మాన్యుయేల్.. మేఘ ఆకాశ్ .. దక్ష నగార్కర్ . పూజిత పొన్నాడ కథానాయికలుగా నటిస్తున్నారు. ఈ చిత్రం ఏప్రిల్ 7, 2023న ప్రపంచవ్యాప్తంగా విడుదల కానుంది.