- Advertisement -
కరీంనగర్: టోల్‌ప్లాజా వద్ద ఆగి ఉన్న కార్లను లారీ ఢీకొట్టిన సంఘటన కరీంనగర్ జిల్లా తిమ్మాపూర్ మండలంలో జరిగింది. రేణికుంట టోల్‌ప్లాజా వద్ద ఓ ట్రాక్టర్ డ్రైవర్ టోల్ రశీదు తీసుకుంటున్నాడు. అదే సమయంలో ట్రాక్టర్ వెనక రెండు కార్లు టోల్ రశీదు కోసం వేచి ఉన్నాయి. లారీ అతి వేగంగా వచ్చి కార్లను ఢీకొట్టడంతో ముందు ఉన్న కారు ట్రాక్టర్ కిందకు దూసుకెళ్లింది. ముందు కారులో ఉన్న గర్భిణి రజిత, ఆమె భర్త నరకయాతన అనుభవించారు. టోల్ సిబ్బంది గంటపాటు శ్రమించి కారు నుంచి వారిని బయటకు తీశారు. తీవ్రంగా గాయపడిన గర్భిణీని స్థానిక ఆస్పత్రికి తరలించారు. రజిత- మహేందర్ అనే దంపతులు కారులో హైదరాబాద్ నుంచి సుల్తానాబాద్ వెళ్తుండగా ఈ ప్రమాదం జరిగింది. పోలీసులు కేసు నమోదు చేసి దర్యాప్తు చేస్తున్నారు.
- Advertisement -