- Advertisement -
మనతెలంగాణ, హైదరాబాద్ : గంజాయి విక్రయిస్తున్న నిందితులను పట్టుకున్న పోలీసులను సైబరాబాద్ పోలీస్ కమిషనర్ స్టిఫెన్ రవీంద్ర అభినందించారు. గచ్చిబౌలిలోని సైబరాబాద్ పోలీస్ కమిషనరేట్‌లో శుక్రవారం నిర్వహించిన కార్యక్రమంలో గంజాయి నిందితులను పట్టుకున్న పోలీసులకు రివార్డులు అందజేశారు. షాద్‌నగర్ సబ్ డివిజన్‌లో మూడు గంజాయి కేసులు పట్టుకున్నారు. ఇద్దరు ఎస్సైలు, కానిస్టేబుల్‌కు రివార్డులు అందజేశారు. రాజేంద్రనగర్ సబ్‌డివిజన్‌లో నాలుగు గంజాయి కేసులు నమోదయ్యాయి. నలుగురు పోలీసులకు రివార్డులు అందజేశారు. చేవెళ్ల సబ్ డివిజన్‌లో రెండు కేసులు నమోదు చేశారు. ఇద్దరు పోలీస్ కానిస్టేబుళ్లకు రివార్డులు అందజేశారు. కార్యక్రమంలో ఎసిపిలు గంగాధర్, కుషాల్కర్, ఇన్స్‌స్పెక్టర్లు, డిఐలు పాల్గొన్నారు.
- Advertisement -