నేచురల్ స్టార్ నాని నటిస్తున్న ‘శ్యామ్ సింగరాయ్’ నుంచి ఇప్పటి వరకు విడుదలైన ఫస్ట్ లుక్ పోస్టర్లతోనే సినిమా మీద విపరీతమైన అంచనాలు ఏర్పడ్డాయి. నిహారిక ఎంటర్‌టైన్‌మెంట్స్ బ్యానర్‌పై వెంకట్ బోయనపల్లి భారీ బడ్జెట్‌తో నిర్మిస్తోన్న ఈ సినిమాకు టాలెంటెడ్ డైరెక్టర్ రాహుల్ సంకృత్యాన్ దర్శకత్వం వహిస్తున్నారు. ఇక ఈ చిత్రయూనిట్ ఇప్పుడు సినిమా మ్యూజికల్ ప్రమోషన్స్ ప్రారంభించేసింది. ఇందులో భాగంగా కొద్దిసేపటిక్రితం ‘రైజ్ ఆఫ్ శ్యామ్’ అంటూ తొలి లిరికల్ వీడియో సాంగ్ ను విడుదల చేసింది. శ్యామ్ పాత్రకు సంబంధించిన కారెక్టరైజేషన్ గురించి వివరిస్తూ ఈ పాట సాగుతుంది. మిక్కీ జే. మేయర్ ఈ చిత్రానికి సంగీతాన్ని అందించారు. సాయి పల్లవి, కృతి శెట్టి, మడోన్నా సెబాస్టియన్‌లు హీరోయిన్లుగా నటిస్తోన్న ఈ చిత్రానికి సత్యదేవ్ జంగా కథను అందించారు. భారీ స్థాయిలో వీఎఫెఎక్స్‌తో రాబోతోన్న ఈ చిత్రం దక్షిణాది అన్ని భాషల్లో విడుదలకానుంది. ఈ చిత్రం క్రిస్మస్ కానుకగా.. తెలుగు, తమిళ, కన్నడ, మళయాల భాషల్లో డిసెంబర్ 24న విడుదలవుతుంది.
‘RISE OF Shyam’ Lyrical song released