జాగో స్టూడియో పతాకంపై కృష్ణ, చాణక్య, రేఖా నిరోష, యశ్న చౌదరి, స్వాతి మండల్, చంద్రశేఖర్ తిరుమలశెట్టి, పోసాని కృష్ణమురళి ప్రధాన పాత్రల్లో ప్రకాష్ తిరుమల శెట్టిని దర్శకుడిగా పరిచయం చేస్తూ పి.ఏ. నాయుడు, నాగరాజు తిరుమల శెట్టి సంయుక్తంగా నిర్మిస్తున్న రొమాంటిక్ యాక్షన్ థ్రిల్లర్ ‘కటారి కృష్ణ’. ఈ చిత్రం ట్రైలర్‌ను హైదరాబాద్‌లో విడుదల చేశారు. ఈ కార్యక్రమానికి ముఖ్య అతిథులుగా వచ్చిన సీనియర్ నటుడు మురళీ మోహన్ ట్రైలర్‌ను విడుదల చేయగా, తనికెళ్ల భరణి పాటలను విడుదల చేశారు. అనంతరం జరిగిన పాత్రికేయుల సమావేశంలో చిత్ర దర్శకుడు ప్రకాష్ తిరుమలశెట్టి మాట్లాడుతూ కొత్త కాన్సెప్ట్‌తో వస్తున్న ఈ చిత్రం అన్ని వర్గాల ప్రేక్షకుల ప్రేక్షకులతో పాటు యూత్‌ని బాగా ఆకట్టుకునే అంశాలతో రూపొందుతోందని తెలిపారు. చిత్ర నిర్మాతలు పి.ఏ.నాయుడు, నాగరాజు తిరుమల శెట్టిలు మాట్లాడుతూ ఈనెల చివరి వారంలో థియేటర్లలో ఈ చిత్రాన్ని విడుదల చేయడానికి సన్నాహాలు చేస్తున్నామని చెప్పారు. ఈ కార్యక్రమంలో గౌతంరాజు, కృష్ణ తదితరులు పాల్గొన్నారు.