విఐటి క్యాంపస్ ప్లేస్‌మెంట్స్…. ఇద్దరికి రూ.1.02 కోట్ల వార్షిక వేతనం

ఇద్దరు విద్యార్థులకు రూ.1.02 కోట్ల వార్షిక వేతనంతో ఉద్యోగాలు

మన తెలంగాణ/హైదరాబాద్ : వెల్లూర్ ఇన్‌స్టిట్యూట్ ఆఫ్ టెక్నాలజీ(విఐటి) క్యాంపస్ ప్లేస్‌మెంట్స్‌లో ఇద్దరు విద్యార్థులు రూ.1.02 కోట్ల వార్షిక వేతనం ప్యాకేజీతో అవకాశాలు దక్కాయి. మోటార్ క్యూ, వెంచర్ -బ్యాక్డ్ కనెక్ట్ చేయబడిన -కార్ డేటా,అనలిటిక్స్ సాఫ్ట్‌వేర్ ప్లాట్‌ఫారమ్ కంపెనీ విఐటిలో కంప్యూటర్ సైన్స్ ఇంజినీరింగ్ చివరి సంవత్సరం విద్యార్థులు అమిత్ అగర్వాల్, సార్థక్ భరద్వాజ్‌లకు 1.02 కోట్ల వార్షిక జీతం ప్యాకేజీగా ఆఫర్ లభించింది. ఈ ఇద్దరు విద్యార్థులు మోటార్ క్యూలో తమ సమ్మర్ ఇంటర్న్‌షిప్ చేయగా, వారు ప్రీ ప్లేస్‌మెంట్ ఆఫర్‌లను (పిపిఒ) పొందారు. మైక్రోసాఫ్ట్, డిఇ షా, మోర్గన్ స్టాన్లీ, ఎయిర్ బిఎన్‌బి, మీడియా డాట్ నెట్ అనే ఐదు సూపర్ డ్రీమ్ కంపెనీలతో 2023 గ్రాడ్యుయేటింగ్ బ్యాచ్ కోసం విఐటిలో ఈ నెల 12న క్యాంపస్ ప్లేస్‌మెంట్‌లు ప్రారంభమయ్యాయి.

విఐటి నాలుగు క్యాంపస్‌లు -వెల్లూర్, చెన్నై, అమరావతి (ఎపి), భోపాల్ (ఎంపి)ల నుండి విద్యార్థులు ఈ క్యాంపస్ రిక్రూట్‌మెంట్ ప్రక్రియలలో పాల్గొన్నారు. అన్ని స్లాట్ -1 కంపెనీల కోసం మొత్తం ప్రక్రియ, ప్రధానంగా ప్రీ- ప్లేస్‌మెంట్ టాక్, ఆన్‌లైన్ టెస్ట్, టెక్నికల్,హెచ్‌ఆర్ ఇంటర్వ్యూలు అన్నీ హైబ్రిడ్ మోడ్‌లో (ఫిజికల్ / రిమోట్) నిర్వహించబడ్డాయి. స్లాట్ 1 ప్లేస్‌మెంట్‌ల తర్వాత,అమెజాన్, వెల్స్ ఫార్గో, ట్యాక్సెస్ ఇన్‌స్ట్రుమెంట్స్, వాల్మార్ట్ ల్యాబ్స్, సిలికాన్ ల్యాబ్స్, అర్సెనియమ్, క్రిప్టో, మీ షో వంటి కంపెనీలు పైప్‌లైన్‌లో ఉన్నాయి. 2023 గ్రాడ్యుయేటింగ్ బ్యాచ్‌కి చెందిన 184 మంది విద్యార్థులు తమ సమ్మర్ ఇంటర్న్‌షిప్ సమయంలో కంపెనీల నుండి ప్రీ- ప్లేస్‌మెంట్ ఆఫర్‌లను పొందారు.

Rs.1.02 Crore Annual in VIT Campus Placements