- Advertisement -
16 మంది మృతి
మాస్కో: రష్యాకు చెందిన ఎల్-410 టర్బోలెట్ అనే విమానం ఆదివారం తతర్‌స్థాన్‌లో కూలిపోయింది. ఈ ఘటనలో 16 మంది చనిపోగా, ఏడుగురు గాయపడ్డారు అని రష్యా వార్తా సంస్థ ఆర్‌ఐఎ తెలిపింది. ఆ విమానం కొంత మంది పారాచ్యూట్ జంపర్లను తీసుకెళుతుండగా ఈ ప్రమాదం జరిగిందని రష్యాకు చెందిన అత్యవసర మంత్రిత్వశాఖ తెలిపింది. ఏడుగురిని సజీవంగానే విమానం శిథిలాల నుంచి బయటికి లాగినట్లు టాస్ వార్తా సంస్థ పేర్కొంది. తక్కువ దూరానికి రవాణా చేసే ట్విన్ ఇంజిన్లు ఉన్న విమానమది. రష్యా వైమానిక సాంకేతికత చాలా అభివృద్ధి చెందినప్పటికీ ఈ దుర్ఘటన జరిగింది. గత నెలలోనే అంతోనోవ్ ఏఎన్-26 అనే రవాణా రష్యా ఫార్‌ఈస్ట్‌లో కూలగా దానిలో ప్రయాణించిన మొత్తం 28 మంది చనిపోయారన్నది ఇక్కడ గమనార్హం.
- Advertisement -