సాగర్‌లో ఎగిరేది గులాబీ జెండే

నాగార్జున సాగర్‌లో కారు జోరు
ఎగ్జిట్‌పోల్‌లో టిఆర్‌ఎస్‌కు 50.48 శాతం ఓట్లు
ఉప ఎన్నిక ఎగ్జిట్ పోల్ ఫలితాలు: వెల్లడించిన ఆరా సంస్థ

మనతెలంగాణ/హైదరాబాద్: నాగార్జునసాగర్ ఉప ఎన్నికలో కారు జోరు కొనసాగింది. ఆరా సంస్థ వెల్లడించిన నాగార్జున సాగర్ ఎగ్జిట్ పోల్ ఫలితాలలో టిఆర్‌ఎస్ పార్టీ 50.48 శాతం ఓట్లు దక్కించుకుంది. అధికార పార్టీ ఎంఎల్‌ఎ నోముల నర్సింహ్మయ్య అకాల మరణంతో ఖాళీ అయిన నాగార్జునసాగర్ ఉప ఎన్నికలో టిఆర్‌ఎస్ పార్టీకి 50.48శాతం ఓట్లు లభించాయని ఆరా సంస్థ అంచనా వేసింది. శుక్రవారంతో ఐదు రాష్ట్రాల్లో ఎన్నికలు, పలు చోట్ల శాసనసభ, లోక్‌సభలకు జరిగిన ఎన్నికల ప్రక్రియ ముగియడంతో ఎగ్జిట్‌పోల్స్ వెలువడుతున్నాయి. ఇందులో భాగంగా నాగార్జున సాగర్ ఉప ఎన్నికలో అధికార టిఆర్‌ఎస్ పార్టీ 50.48 శాతం ఓట్లు సాధించినట్లు ఆరా సంస్థ వెల్లడించింది. ఇక కాంగ్రెస్‌కు 39.93 శాతం ఓట్లు లభించినటుల అంచనా వేసింది. బిజెపి పార్టీకి మాత్రం 6.31శాతం ఓట్లు వచ్చినట్లు ఆరా అంచనా వేసింది.

నాగార్జున సాగర్ ఎగ్జిట్ పోల్ ఫలితాలు వెల్లడించిన ఆరా సంస్థ

టిఆర్‌ఎస్‌కు 50.48 శాతం ఓట్లు
కాంగ్రెస్‌కు 39.93 శాతం ఓట్లు
బిజెపికి 6.31 శాతం ఓట్లు
ఇతరులు 3.28 శాతం ఓట్లు

Sagar by election Exit poll results released