- Advertisement -
హిట్ వెబ్ సిరీస్‌లో ఫ్యామిలీ మేన్ 2లో సమంత నటించడానికి ప్రధాన కారణం రాజ్- డీకే. వీళ్ల చొరవ కారణంగానే తొలిసారి ఓటీటీలో అడుగుపెట్టింది సామ్. ఆ తర్వాత వాళ్లతోనే సిటాడెల్ ఇండియన్ వెర్షన్ కూడా చేసింది. మళ్లీ ఇప్పుడు వాళ్లతోనే మరో ప్రాజెక్టు చేయడానికి రెడీ అవుతోందంట ఈ ముద్దుగుమ్మ. తుంబాడ్ లాంటి సస్పెన్స్ -థ్రిల్లర్ తీసి అందర్నీ తనవైపు తిప్పుకున్న అనీల్ బార్వే దర్శకత్వంలో ఓ ఒరిజినల్ మూవీ చేయబోతోందట సమంత.
ఈ ప్రాజెక్టుకు రాజ్- డీకే నిర్మాతలుగా వ్యవహరించబోతున్నారు. నెట్‌ఫ్లిక్స్ కోసం ఈ డీల్ సెట్ అయినట్టు తెలిసింది. ప్రస్తుతం సమంత చేతిలో చాలా ప్రాజెక్టులున్నాయి. ఓ మలయాళీ సినిమా ఇదివరకే మొదలైంది. ఇక స్వయంగా తనే నిర్మాతగా మారి ఓ సినిమా ప్రకటించింది సమంత. అయినప్పటికీ ఆమె ఇంకా ఏ సినిమా సెట్స్‌పైకి వెళ్ళలేదు.
- Advertisement -