మయోసైటిస్ తో బాధపడుతున్న సమంత రకరకాల వైద్య చికిత్సా పద్ధతులను అనుసరిస్తూ, ఆ మహమ్మారి నుంచి బయటపడేందుకు ప్రయత్నిస్తున్నారు. ప్రస్తుతం తను క్రయోథెరపీ చేయించుకుంటున్నట్లు సమంత ఇన్ స్టా స్టోరీలో చేసిన పోస్ట్ వైరల్ అవుతోంది. ఈ చికిత్సలో భాగంగా తను మైనస్ 150 డిగ్రీల చల్లదనం ఉన్న ఒక టబ్బులో కూర్చున్నానని, క్రయోథెరపీ వల్ల తెల్ల రక్త కణాల సంఖ్య బాగా పెరుగుతుందని ఆమె పేర్కొన్నారు. దీనివల్ల శరీరంలో వ్యాధికారక క్రిములు తగ్గుతాయని ఆమె తెలిపారు. ఈ వీడియోను సమంత అభిమానులు విపరీతంగా షేర్ చేస్తున్నారు.
ఇందులో సమంత తను టబ్బులో కూర్చుని చికిత్స పొందుతున్న దృశ్యాలున్నాయి. ఖుషి సినిమా షూటింగ్ పూర్తయ్యాక సమంత కొంతకాలం విరామం తీసుకున్నారు. ఈ సమయంలో హాలీడే ట్రిప్ గా ఇండొనేసియా దీవులకు వెళ్లొచ్చారు. మరికొన్ని రోజులు మయోసైటిస్ కి చికిత్స తీసుకున్నారు. ప్రస్తుతం ఆమె ది మార్వెల్స్ అనే సినిమా షూటింగ్ లో పాల్గొంటున్నారు. సమంత నటించిన సిటాడెల్ వెబ్ సిరీస్ త్వరలో విడుదల కానుంది.
Recovery mode 🤍!!
. @Samanthaprabhu2 #SamanthaRuthPrabhu #Cryotherapy pic.twitter.com/vGEepO79OH
— Trends Samantha™ (@Trends_Samantha) November 4, 2023