గాడ్ ఆఫ్ మాసెస్ నందమూరి బాలకృష్ణ, బ్లాక్‌బస్టర్ మేకర్ బోయపాటి శ్రీను భారీ చిత్రం ’అఖండ 2: తాండవం’ కోసం నాలగవ సారి కలిసి పనిచేస్తున్నారు. వారి మునుపటి బ్లాక్‌బస్టర్ అఖండకు ఈ సీక్వెల్ యాక్షన్, ఇంటెన్స్ నెక్స్ లెవెల్ కి తీసుకెళ్లనుంది. 14 రీల్స్ ప్లస్ బ్యానర్‌పై రామ్ ఆచంట, గోపీచంద్ ఆచంట నిర్మిస్తున్న ఈ చిత్రాన్ని ఎం తేజస్విని నందమూరి సమర్పిస్తున్నారు. వెరీ టాలెంటెడ్ సంయుక్త ఈ చిత్రంలో ఫీమేల్ లీడ్‌గా ఎంపికయ్యారు.
వరుస విజయాలతో దూసుకుపోతున్న సంయుక్త కొన్ని హై-ప్రొఫైల్ ప్రాజెక్టులలో నటిస్తున్నారు. తన హీరోయిన్స్‌ని అద్భుతమైన పాత్రల్లో చూపించే బోయపాటి శ్రీను, సంయుక్తను చాలా కీలకమైన పాత్రలో చూపించనున్నారు. ఈ సినిమా షూటింగ్ ప్రస్తుతం జరుగుతోంది. ఈ సీక్వెల్‌ను భారీ బడ్జెట్‌తో బిగ్ కాన్వాస్‌పై నిర్మిస్తున్నారు. ఈ సినిమాకి సెన్సేషనల్ మ్యూజిక్ డైరెక్టర్ తమన్ సంగీతం అందిస్తున్నారు. పాన్ ఇండియా స్థాయిలో అఖండ 2 సినిమా సెప్టెంబర్ 25న దసరా సందర్భంగా థియేటర్లలోకి రానుంది.