సూపర్ స్టార్ మహేష్ బాబు ప్రతిష్టాత్మక చిత్రం ‘సర్కారు వారి పాట’పై అంచనాలు ఆకాశాన్ని తాకుతున్నాయి. ఇక ప్రేక్షకుల అంచనాలని మరో స్థాయికి తీసుకువెళ్ళడానికి పక్కా మాస్, యాక్షన్ ప్యాక్డ్ ట్రైలర్‌ను సిద్ధం చేస్తోంది చిత్ర యూనిట్. తాజాగా ట్రైలర్ రిలీజ్ డేట్ ఖరారైంది. ‘సర్కారు వారి పాట’ థియేట్రికల్ ట్రైలర్ మే 2న విడుదల కానుంది. ఈ సందర్భంగా విడుదల చేసిన థియేట్రికల్ ట్రైలర్ రిలీజ్ పోస్టర్‌లో మహేష్ బాబు పూర్తి యాక్షన్ లుక్‌లో కనిపించారు. రెండు చేతుల్లో తాళల గుత్తులు పట్టుకొని ఒంటి కాలిపై నిల్చొని రౌడీ గ్యాంగ్‌తో హైవోల్టేజ్ ఫైట్ చేస్తున్న మహేష్ ఈ పోస్టర్‌లో కనిపించడం అభిమానులని అలరించింది.
ఇక సూపర్ స్టార్‌ను మునుపెన్నడూ చూడని మాస్ రోల్‌లో చూపించబోతున్నారు బ్లాక్ బస్టర్ దర్శకుడు పరశురాం. సంగీత సంచలనం ఎస్‌ఎస్ తమన్ ప్రస్తుతం ట్రైలర్ కోసం బీజీఏం స్కోర్ చేయడంలో బిజీగా ఉన్నారు. త్వరలోనే మహేష్ బాబు, కీర్తి సురేష్‌లపై చిత్రీకరించిన మాస్ సాంగ్‌ను కూడా విడుదల చేయడానికి చిత్రబృందం సన్నాహాలు చేస్తోంది. త్వరలోనే విడుదల కానున్న ఈ నాలుగవ పాట ‘మాస్ సాంగ్ ఆఫ్ ది ఇయర్’ కానుంది. ఈ చిత్రాన్ని మైత్రీ మూవీ మేకర్స్, జీఏంబీ ఎంటర్‌టైన్‌మెంట్, 14 రీల్స్ ప్లస్ బ్యానర్‌లపై నవీన్ యెర్నేని, వై. రవిశంకర్, రామ్ ఆచంట, గోపీచంద్ ఆచంట సంయుక్తంగా నిర్మిస్తున్నారు. ‘సర్కారు వారి పాట’ మే 12న ప్రపంచవ్యాప్తంగా గ్రాండ్‌గా విడుదల కానుంది.