ముంబై : దేశీయ స్టాక్‌మార్కెట్లు మంగళవారం లాభాలను నమోదు చేశాయి. ఐటి, ఆయిల్ అండ్ గ్యాస్ రంగాల షేర్లలో కొనుగోళ్లు జోరందుకోవడంతో స్టాక్‌మార్కెట్ జోరుగా ముగిసింది. సెన్సెక్స్ 72,000 మార్క్‌ను దాటడంలో విజయవంతమైంది. మిడ్‌క్యాప్ ఇండెక్స్ జీవితకాల గరిష్ట స్థాయికి చేరుకున్నాయి. ట్రేడింగ్ ముగిసే సమయానికి సెన్సెక్స్ 455 పాయింట్ల జంప్‌తో 72,186 పాయింట్ల వద్ద ముగిసింది. నిఫ్టీ 158 పాయింట్లు పెరిగి 21,939 పాయింట్ల వద్ద స్థిరపడింది. ఐటీ స్టాక్‌ల కొనుగోళ్ల కారణంగా దాని ఇండెక్స్‌లో బలమైన పెరుగుదల ఉంది. నిఫ్టీ ఐడీ సూచీ 1085 పాయింట్ల లాభంతో ముగిసింది.
దీంతోపాటు ఆటో, ఫార్మా, మెటల్స్, ఎనర్జీ, కమోడిటీ, హెల్త్‌కేర్, ఆయిల్, గ్యాస్ షేర్లు భారీగా ముగిశాయి. కాగా ఎఫ్‌ఎంసిజి, బ్యాంకింగ్ షేర్లు క్షీణించాయి. నిఫ్టీ యొక్క మిడ్‌క్యాప్ ఇండెక్స్ 49000 వద్ద చారిత్రక గరిష్ట స్థాయికి చేరుకుంది, స్మాల్ క్యాప్ ఇండెక్స్ కూడా బుల్లిష్‌గా ఉంది. సెన్సెక్స్‌లోని 30 షేర్లలో 19 లాభాల్లో, 11 నష్టాలతో ముగిశాయి. నిఫ్టీలోని 50 షేర్లలో 34 షేర్లు లాభాలతో, 16 నష్టాలతో ముగిశాయి. ట్రేడింగ్‌లో బిపిసిఎల్ 5.82 శాతం, హెచ్‌డిఎఫ్‌సి లైఫ్ 5.23 శాతం, హెచ్‌సిఎల్ టెక్ 4.37 శాతం, టిసిఎస్ 4.22 శాతం, మారుతీ సుజుకీ 3.97 శాతం పెరుగుదలతో ముగిశాయి. కాగా పవర్ గ్రిడ్,