- Advertisement -
అమెరికా అధ్యక్షుడు డొనాల్డ్ ట్రంప్ విధించిన టారిఫ్‌ల కారణంగా శుక్రవారం దేశీయ స్టాక్ మార్కెట్లు భారీ నష్టాలను మూటగట్టుకున్నాయి. మన మార్కెట్లే కాకుండా ఆసియాలోని అన్ని మార్కెట్లను ట్రంప్ నిర్ణయం కుదిపివేసింది. మన మార్కెట్లలో ఐటి, మెటల్, ఫార్మా సూచీల్లో అమ్మకాలు వెల్లువెత్తాయి. శుక్రవారం ట్రేడింగ్ ముగిసే సమయానికి సెన్సెక్స్ 930 పాయింట్లు నష్టపోయి 75364కు దిగజారింది. నిఫ్టీ 345 పాయింట్లు కోల్పోయి 22904కు పడిపోయింది.
బిఎస్‌ఇ సెన్సెక్స్ టాప్ గెయినర్లు : బజాజ్ ఫైనాన్స్ (1.43 శాతం), హెచ్‌డిఎఫ్‌సి బ్యాంక్ (1.30 శాతం), నెస్లే ఇండియా (0.79 శాతం), ఐసిఐసిఐ బ్యాంక్ (0.38 శాతం), ఏషియన్ పెయింట్స్ (0.27 శాతం).
టాప్ లూజర్లు : టాటా స్టీల్ (8.59 శాతం), టాటా మోటార్స్ (6.15 శాతం), ఎల్ అండ్ టి (4.67 శాతం), అదానీ పోర్ట్ (4.38 శాతం), ఇండస్ ఇండ్ బ్యాంక్ 3.83 శాతం).
- Advertisement -