సురేష్ ప్రొడక్షన్స్ అధినేత డి. సురేష్ బాబు, గురు ఫిలిమ్స్ సునీత తాటి సంయుక్తంగా నిర్మించిన ఓ బేబి చిత్రం బ్లాక్‌బస్టర్ హిట్‌గా నిలిచింది. ప్రస్తుతం వారి కాంబినేషన్‌లో రూపొందుతున్న రెండవ చిత్రం ‘శాకిని ఢాకిని’ విడుదలకు సిద్ధంగా ఉంది. శ్రీసింహ కోడూరితో సురేష్ ప్రొడక్షన్స్, గురు ఫిలింస్ మూడవ చిత్రాన్ని నిర్మిస్తోంది. ఈ థ్రిల్లర్ చిత్రానికి నూతన దర్శకుడు సతీష్ త్రిపుర దర్శకత్వం వహిస్తున్నారు. ఈ సినిమా టైటిల్, ఫస్ట్‌లుక్ పోస్టర్‌ను విడుదల చేశారు మేకర్స్. దొంగలున్నారు జాగ్రత్త అనేది టైటిల్. ఫస్ట్ లుక్ పోస్టర్ ప్రత్యేకంగా, ఆసక్తికరంగా ఉంది. రోడ్డుపై కారుతో పాటు సిసి కెమెరా, కేబుల్‌తో కుర్చీకి కట్టివేయబడి శ్రీ సింహ కోడూరి అరుస్తూ కనిపించాడు. టైటిల్ లోగో ఆకట్టుకునేలా ఉంది. ఈ డిఫరెంట్ ఫస్ట్ లుక్ పోస్టర్ సినిమాపై ఆసక్తిని పెంచేలా ఉంది. ఈ చిత్రంలో ప్రీతి అస్రాని హీరోయిన్‌గా నటిస్తుండగా సముద్రఖని కీలక పాత్రలో కనిపించనున్నాడు.