హైదరాబాద్‌లోని ప్రతిష్ఠాత్మకమైన ఆభరణాల సంస్థ, శివ్ నారాయణ్ జ్యువెలర్స్‌ను ఫెడరేషన్ ఆఫ్ తెలంగాణా ఛాంబర్స్ ఆఫ్ కామర్స్ & ఇండస్ట్రీ (FTCCI) ‘ఎక్స్‌లెన్స్ ఇన్ ప్రొడక్ట్ ఇన్నోవేషన్’ అవార్డుతో సత్కరించింది. శివ్ నారాయణ్ జ్యువెలర్స్ ప్రదర్శించిన అసాధారణమైన హస్తకళ, సృజనాత్మక నైపుణ్యాన్ని గుర్తిస్తూ ఈ పురస్కారాన్ని మంత్రి కె.టి.రామారావు అందజేశారు.
మూడు సంవత్సరాల క్రితం, శివ్ నారాయణ్ జ్యువెలర్స్ ప్రపంచాన్ని ఆకర్షించే నాలుగు దిగ్గజ కళాఖండాలను రూపొందించడానికి అద్భుతమైన ప్రయాణాన్ని ప్రారంభించింది. ఆధునిక సాంకేతికత, పురాతన పద్ధతుల ఖచ్చితమైన సమ్మేళనంతో చక్కగా రూపొందించబడిన ఈ అసాధారణమైన క్రియేషన్స్ లో గణేష్ లాకెట్టు, రామ్ దర్బార్ లాకెట్టు, ది సట్లడ (ఏడు-పొర) నెక్లెస్, భూతద్దం ఉన్నాయి. అవి ఈ రంగంలో నూతన ప్రమాణాలను నెలకొల్పాయి. ఆభరణాల రూపకల్పన, ఆవిష్కరణ, సృజనాత్మకత, నైపుణ్యం యొక్క సరిహద్దులను నెట్టడం పట్ల అచంచలమైన నిబద్ధత కారణంగా శివ్ నారాయణ్ జ్యువెలర్స్ అసాధారణ విజయాలను సాధించింది . వారు ఇప్పుడు 8 గిన్నిస్ వరల్డ్ రికార్డ్ టైటిళ్లను సంపాదించిన ఏకైక భారతీయ ఆభరణాల వ్యాపారిగా గుర్తింపు సాధించారు.
తుషార్ అగర్వాల్ – మేనేజింగ్ డైరెక్టర్, శివ్ నారాయణ్ జ్యువెలర్స్ ప్రైవేట్ లిమిటెడ్ మాట్లాడుతూ.. “ఈ విశిష్ట ఆభరణాలతో ఎఫ్‌టిసిసిఐ, మంత్రి కె.టి.రామారావు నుండి గుర్తింపు పొందడం ను గౌరవంగా భావిస్తున్నాము. ఈ గుర్తింపు మాకు ఎనలేని గౌరవాన్నిస్తుంది. మేము జాతీయ వేదికపై తెలంగాణకు ప్రాతినిధ్యం వహిస్తాము. మా మహోన్నత నైపుణ్యమూ ప్రదర్శిస్తాము. అంతర్జాతీయ స్థాయిలో భారతదేశానికి ప్రాతినిధ్యం వహించడం ఒక అద్భుతమైన అదృష్టం,..” అని అన్నారు
శివ్ నారాయణ్ జ్యువెలర్స్ ప్రైవేట్ లిమిటెడ్ హైదరాబాద్‌లోని ప్రముఖ వారసత్వ జువెలర్‌గా చాలా కాలంగా గుర్తింపు పొందింది. ఈ అపూర్వమైన ఘనతను సాధించడం ద్వారా వారు తెలంగాణకు ఎనలేని గౌరవాన్ని తీసుకురావడమే కాకుండా ప్రపంచ ఆభరణాల వేదికపై భారతదేశ కీర్తిని కూడా పెంచారు. శివ్ నారాయణ్ జ్యువెలర్స్ ఆభరణాల ప్రపంచంలో చెరగని ముద్రలు వేయడం కొనసాగిస్తుంది. చక్కదనం, ఆవిష్కరణ, మహోన్నత కళాత్మకతతో ప్రతిధ్వనించే కాలాతీత ఆభరణాలను రూపొందించాలనే తమ లక్ష్యం పట్ల అంకితభావంతో ఉన్నారు.