- Advertisement -
మన తెలంగాణ/ వడోదర న్యూస్: బస్సు-ట్రక్కు ఢీకొని ఆరుగురు మృతి చెందిన సంఘటన గుజరాత్ రాష్ట్రం వడోదరలో జరిగింది. పోలీసులు తెలిపిన వివరాల ప్రకారం… మంగళవారం తెల్లవారుజామున లగ్జరీ బస్సు రాజస్థాన్ నుంచి ముంబయికి వెళ్తుండగా కపురై బ్రిడ్జిపై బస్సును ట్రక్కు ఓవర్ టేక్ చేస్తుండగా ఢీకొన్నాయి. ఈ ప్రమాదంలో ఆరుగురు ఘటనా స్థలంలోనే చనిపోయారు. గాయపడిన 15 మందిని స్థానిక ఆస్పత్రికి తరలించారు. పోలీసులు ఘటనా స్థలానికి చేరుకొని వాహనాలను క్రేన్ సహాయంతో పక్కకు తొలగించారు. ఇంకా వివరాలు తెలియాల్సి ఉంది. క్షతగాత్రులలో నలుగురి పరిస్థితి విషమంగా ఉందని ఆస్పత్రి వర్గాలు వెల్లడించాయి.
- Advertisement -