ఇ-పాస్‌కు ఇలా అప్లైయ్ చేయండి

రాష్ట్ర ప్రజలకు పోలీసుల సూచన

మనతెలంగాణ/హైదరాబాద్ : రాష్ట్రం నుంచి ఇతర రాష్ట్రాలకు, జిల్లాలకు వెళ్లేందుకు ఇ-పాస్ విధానం ద్వారా ప్రత్యేక పాసులు అందజేయనున్నట్లు పోలీసు అధికారులు తెలిపారు. అత్యవసర పరిస్థితుల్లో అందచేసే ఇ పాస్ లకు గాను https://policeportal.tspolice.gov.in/ అనే వెబ్ సైట్ ద్వారా దరఖాస్తు చేసుకోవాలని వివరిస్తున్నారు. అత్యవసర పరిస్థితులకు గాను లాక్ డౌన్ సడలించిన సమయంలో కాకుండా ఇతర సమయాల్లో ప్రయాణించే వారికి ఈ పాసులను జారీ చేస్తారు. ఇతర రాష్ట్రలకూ, రాష్ట్రంలోని ఇతర జిల్లాలకు వెళ్లే వారికి సంబంధిత పోలీస్ కమీషనర్లు, ఎస్పీలు పాస్‌లను జారీ చేస్తారు. అయితే ఈ పాస్ కోసం దరఖాస్తు చేసుకునే వారు వెబ్‌సైట్ ద్వారా చేసుకోవాల్సి ఉంటుంది.

రాష్ట్ర పోలీస్ అధికారిక వెబ్‌సైట్ https://policeportal.tspolice.gov.in/ లో లాగిన్ అయిన అనంతరం ఇ పాస్‌పై క్లిక్ చేసి జిల్లా, కమిషనరేట్‌ను ఎంపిక చేసుకోవాలి. ఆ తర్వాత మీరు వివరాలను నమోదు చేయడంతో పాటు పేరు, ఆధార్ నెంబర్, వాహనం, ఎంతమంది, పాస్ ఎందుకు, ఏ పర్పస్ కోసం, ఫోన్ నెంబర్లు, మీరు వెళ్లాల్సిన పోలీస్ స్టేషన్ పరిధి, డిస్టెన్స్, తదితర వివరాలతోపాటు ఫొటో, పర్పస్ డాక్యుమెంట్, కెవైసి ఫాంలను అప్‌లోడ్ చేయాలి. అనంతరం కర్ఫర్మేషన్ వచ్చిన తరువాత ఆయా పరిధుల్లోని కమిషనరేట్, ఎస్‌పిల నుంచి ఇ పాస్ మంజూరు అవుతుంది. దానిని చూపించి రాష్ట్రం పరిధిలోని జిల్లాలకు ఆంక్షల సమయంలో ప్రయాణం చేయవచ్చని, అయితే లాక్‌డౌన్ సడలింపు సమయంలో ఇ పాస్ అవసరం లేదని పోలీసులు వెల్లడించారు.