సుధీర్ బాబు, ఆనంది జంటగా 70 ఎంఎం ఎంటర్‌టైన్‌మెంట్స్ పతాకంపై కరుణ కుమార్ తెరకెక్కించిన చిత్రం శ్రీదేవి సోడా సెంటర్. ఇటీవల విడుదలైన ఈ సినిమా థియేటర్లలో విజయవంతంగా రన్ అవుతోంది. సినిమా విడుదలైన రోజే సూపర్ స్టార్ మహేష్ బాబు ప్రత్యేకంగా షో వేసుకొని చూశారు. శ్రీదేవి సోడా సెంటర్ సినిమాపై ప్రశంసల వర్షం కురిపించారు మహేష్. సుధీర్ బాబు అద్భుతంగా నటించారని.. ఆయన కెరీర్‌లోనే ది బెస్ట్ పెర్ఫార్మెన్స్ ఇదే అంటూ ఆయన పేర్కొన్నారు. సినిమాలో బోట్ సన్నివేశాల గురించి మహేష్ బాబు ప్రత్యేకంగా ప్రస్తావించారు. ఆ రేసింగ్ సీన్స్ అన్నీ అద్భుతంగా ఉన్నాయని చెప్పారు. మణిశర్మ సంగీతం నెక్స్ లెవెల్‌లో ఉందని.. ఈ సినిమాకు ఆయన బ్యాగ్రౌండ్ స్కోర్ కూడా ప్రాణమని తెలిపారు మహేష్ బాబు. ఈ నేపథ్యంలో తాజాగా హీరో సుధీర్ బాబు, నిర్మాతలు, దర్శకుడు ప్రత్యేకంగా వెళ్లి మహేష్ బాబును కలిశారు. సర్కారు వారి పాట సినిమా షూటింగ్‌తో బిజీగా ఉన్నా.. వ్యక్తిగతంగా శ్రీదేవి సోడా సెంటర్ సినిమా యూనిట్ ను కలిసి తన అభినందనలు అందించారు మహేష్. ఇలాంటి అద్భుతమైన సినిమాలు సుధీర్ బాబు మరెన్నో చేయాలని మనస్ఫూర్తిగా ఆయన కోరుకున్నారు.