చెన్నై: నటుడు మాధవన్‌ తాజాగా ‘రాకెట్రీ’ అనే బయోపిక్‌తో రాబోతున్నాడు. ప్రముఖ ఇస్రో శాస్త్రవేత్త నంబి నారాయణ్‌ జీవితాన్ని ఆధారం చేసుకుని సినిమాను తెరకెక్కిస్తున్నారు. ఇందులో మాధవన్‌ లీడ్‌ రోల్‌ పోషిస్తున్నాడు. అచ్చం నంబి నారాయణ్‌లా తెల్ల జుట్టు, కళ్లద్దాలతో కనిపించనున్నాడు. అయితే ఈ సినిమాలో కీలక పాత్ర పోషించిన స్టార్‌ హీరో సూర్య షూటింగ్‌ చూసేందుకు నంబి నారాయణ్‌తో కలిసి సెట్‌కు వెళ్లిన ఓ దృశ్యం ఒకటి తాజాగా బయటకు వచ్చింది. సెట్‌లోకి అడుగుపెట్టగానే నంబి నారాయణన్‌ గేటప్‌ ఉన్న మాధవన్‌ను చూసి ఆశ్చర్యానికి లోనయ్యాడు. ఒక్క క్షణం ఎవరూ నిజమైన నంబి నారాయణ్‌ అని గుర్తు పట్టలేదనేంతగా ఓ షాకింగ్‌ లుక్‌ ఇచ్చాడు. ఇక సెట్స్‌లోని సూర్య, నారాయణ్‌ రాగానే కూర్చి నుంచి లేచి ఇరువురి స్వాగతం పలికాడు మ్యాడీ. అనంతరం సూర్యను తన స్నేహితుడు అంటూ నారాయణ్‌కు పరిచయం చేశాడు.
ఇక ఆయన సూర్యను పలకరిస్తూ.. మీ సినిమాలు చాలా బాగుంటాయని, మీ నటన అద్భుతమని కొనియాడారు. అంతేకాదు మీ నాన్నగారు(శివకూమార్‌) దర్శకత్వం కూడా తనకు బాగా నచ్చుందని చెప్పడంతో సూర్య ఆయనకు కృతజ్ఞతలు తెలిపాడు. కాగా తమిళం, తెలుగులో చేస్తున్న సూర్య పాత్రలో హిందీలో షారుక్‌ ఖాన్‌ పోషిస్తున్నాడు. ఇక నంబి నారాయణ్‌ భార్య పాత్రలో సీనియర్‌ నటి సిమ్రాన్‌ కనిపించనుంది. అన్ని కార్యక్రమాలను పూర్తి చేసుకున్న ఈ చిత్రం జూలై 1న విడుదలకు సిద్ధమవుతుంది.
.@Suriya_offl meet @ActorMadhavan in Rocketry The Nambi Effect movie shooting spot.#Madhavan #surya #RocketryTheNambiEffect #jayatv pic.twitter.com/vTC5yO0Nhc
— Jaya TV (@JayaTvOfficial) June 28, 2022