చెమట పట్టడం, పొడిదగ్గు, ఆకలి తగ్గడం, బరువు తగ్గడం, కడుపు నొప్పి, మలబద్ధకం, లేదా విరేచనాలు, కడుపు ఉబ్బడం, రెండు రోజుల కంటే ఎక్కువగా జ్వరం వచ్చినా, వాంతులు, విరేచనాలు అవుతున్నా వైద్యులను సంప్రదించాలి. తీవ్ర దశలో శక్తి లేక పోవడం, వ్యాయామం చేయడానికి అనాసక్తి, కాలేయం వాపు చెందడం, శరీరం పచ్చగా మారడం, కాళ్లకు అల్సర్స్ ఈ వ్యాధి లక్షణాలు. ఇలాంటి తల్లులు పిల్లలకు జన్మనివ్వడం చాలా రిస్కుగా పరిగణిస్తారు. తలసీమియా నాలుగో దశలో పిల్లలు పుట్టక ముందే కడుపులో చనిపోయే ప్రమాదం ఉంటుంది.
చికిత్స విధానం
రక్తమార్పిడి, ఫోలిక్ యాసిడ్ లేదా విటమిన్ డి వంటి మందులను వైద్యులు సూచించవచ్చు. ఐరన్ తక్కువగా ఉండే ఆహారాలను తీసుకోవాలని వైద్యులు సూచించవచ్చు. ఎముక మజ్జ మార్పిడి అవసరం కావచ్చు. కొన్ని సందర్భాల్లో ప్లీహంను తొలగించే శస్త్రచికిత్స అవసరం కావచ్చు. ఈ వ్యాధి మనదేశంతోపాటు ఆఫ్రికా, మిడిల్ ఈస్ట్, దక్షిణాసియా, చైనా దేశాల్లో ఎక్కువగా ఉంది. కంప్లీట్ బ్లడ్ కౌంట్, హిమోగ్లోబిన్ ఎలెక్ట్రోపోరెసిస్, ప్రీ ఎంతోసైట్ ప్రోటోపోరోపైరిసిస్, ఫెర్రిటిస్ వంటి పరీక్షలతో ఈ వ్యాధిని నిర్ధారించవచ్చు.