స్థానిక సంస్థల ఎన్నికలతో పాటు పలు
అంశాలపై సమావేశంలో చర్చించే
అవకాశం మార్చి 7,8వ తేదీల్లో
ప్రత్యేక అసెంబ్లీ సమావేశాలు
8న సాయంత్రం అఖిలపక్షంతో
కలిసి సిఎం రేవంత్ ఢిల్లీకి పయనం
మన తెలంగాణ/హైదరాబాద్: రాష్ట్ర మంత్రివర్గ సమావేశం మార్చి 6వ తేదీన నిర్వహించనున్నా రు. ముఖ్యమంత్రి రేవంత్ రెడ్డి అధ్యక్షతన సమావే శం జరుగనుంది. ఈ కేబినెట్ సమావేశంలో పలు కీలక అంశాలపై చర్చించి నిర్ణయాలు తీసుకోనున్నారు.రాష్ట్రంలో రెండో దఫా కులగణన నిర్వహించిన నేపథ్యంలో వాటికి సంబంధించిన గణాంకాలపై కేబినెట్ చర్చించనుంది. అలాగే బిసిలకు రిజర్వేషన్లు, ఎస్సీ వర్గీకరణకు చట్టబద్ధత కల్పించాల ని ప్రభుత్వం భావిస్తోంది. ఈ మేరకు మార్చిలో ప్రత్యేకంగా అసెంబ్లీని సమావేశపరుస్తామని ము ఖ్యమంత్రి రేవంత్ రెడ్డి ఇప్పటికే ప్రకటించారు. ఈ నేపథ్యంలోనే ఈ అంశాలపై కూడా మంత్రి మండ లి చర్చించే అవకాశం ఉన్నట్టుగా తెలిసింది. అలా గే రాష్ట్రంలో ఎన్నో ఏళ్లుగా ఎదురుచూస్తున్న వారి కి కొత్త రేషన్ కార్డుల పంపిణీ చేపట్టాలని సిఎం అధికారులను ఆదేశించారు.
ఎన్నికల కోడ్ కారణంగా పలు జిల్లాల్లో ఈ విషయంలో తర్జనభర్జన జరుగుతోంది. మార్చి 3వ తేదీతో ఎమ్మెల్సీ ఎన్నికల కోడ్ ముగియనుంది. దీంతో కొత్త రేషన్ కా ర్డుల పంపిణీపై కేబినెట్‌లో చర్చించే అవకాశం ఉందని సమాచారం. అలాగే స్థానిక సంస్థల ఎన్నికలతో పాటు పలు అంశాలపై కేబినెట్ నిర్ణయం తీ సుకోనున్నట్లుగా తెలిసింది. దీంతోపాటు మార్చి 7,8వ తేదీల్లో ప్రత్యేక అసెంబ్లీ సమావేశాలను ఏర్పాటు చేసి కేబినెట్ ఆమోదించిన బిసి రిజర్వేషన్‌లకు చట్టబద్ధత, ఎస్సీ వర్గీకర ణ అంశాలపై బిల్లును ప్రవేశపెడతారని సమాచా రం. అనంతరం ఆ బిల్లుతో 8వ తేదీ సాయంత్రం ముఖ్యమంత్రి రేవంత్‌రెడ్డి అఖిలపక్షంతో కలిసి ఢిల్లీకి వెళ్లనున్నట్టుగా తెలిసింది. 10వ తేదీ నుంచి పార్లమెంట్ సమావేశాలు ప్రారంభం కానున్న నేపథ్యంలో ఉభయసభల్లో బిల్లును ప్రవేశపెట్టి ఆమోదింపచేసేందుకు ప్రధాని సహా ప్రతిపక్ష నేతలను కూడా సిఎం, మంత్రులు, కాంగ్రెస్ నేతలు, అఖిలపక్ష బృందం కలువనుంది.