మెరుగైన పాలన, ఆర్థిక పురోగతే
లక్షంగా గూగుల్‌తో ఒప్పందం :
ముఖ్యమంత్రి రేవంత్‌రెడ్డి
వ్యవసాయం, సుస్థిరాభివృద్ధి,
పరిపాలన, రవాణా, విద్యుత్
రంగాల్లో సేవలందించనున్న
దిగ్గజ ఐటి సంస్థ
మన తెలంగాణ/హైదరాబాద్ : ఏఐ ఆధారిత తెలంగాణ దార్శనికతకు గూగుల్ సహకారం ఎంతగానే ఉపయోగపడుతుందని సిఎం రేవంత్‌రెడ్డి తెలిపారు. ఆ ధునిక ఏఐ టెక్నాలజీ ద్వారా కీలక రంగాల్లో విప్లవాత్మక మార్పులు తీసుకురావాలని లక్ష్యంగా ఎంచుకున్నామని ఆయన పేర్కొన్నారు. మెరుగై న పాలన, ఆర్థిక పురోగతితో పాటు ప్ర జా సేవలను భవిష్యత్ అవసరాలకు అ నుగుణంగాతీర్చిదిద్దాలని నిర్ణయించామన్నారు. ఈ లక్ష్య సాధనలో గూగుల్‌తో ఒప్పందం కీలకంగా నిలుస్తుందని ఆయన పేర్కొన్నారు. టి హబ్‌లో గురువారం ముఖ్యమంత్రి ఎ.రేవంత్ రెడ్డి, ఐటీ శాఖ మంత్రి శ్రీధర్‌బాబు గూగుల్ ప్రతినిధులతో సమావేశమయ్యారు. అనంతరం రాష్ట్ర ప్రభుత్వం గూగుల్‌తో అవగాహన ఒప్పందం కుదుర్చుకుంది.
రాష్ట్ర ప్రభుత్వానికి వివిధ కీలక రంగాల్లో సహకారం….ప్రీతి లోబానా
గూగుల్ ఇండియా కంట్రీ మేనేజర్ ప్రీతి లోబానా మాట్లాడుతూ రాష్ట్ర ప్రభుత్వానికి వివిధ కీలక రంగాల్లో సహకారం అందించటం సంతోషంగా ఉందన్నారు. దేశ డిజిటల్ భవిష్యత్ పట్ల తమ సంస్థ నిబద్ధతను ఈ నిర్ణయం బలోపేతం చేస్తుందన్నారు. ఏఐ ఆధారిత వర్క్ ఫోర్స్‌ను పెంపొందించటం, స్టార్టప్‌లను ప్రోత్సహించడం, వ్యవసాయం, విద్య లాంటి కీలక రంగాల్లో పని చేయటం ఉత్సాహంగా ఉందని ఆయన తెలిపారు.
వ్యవసాయం, సుస్థిరాభివృద్ధి, పరిపాలన, రవాణా, విద్య తదితర రంగాల్లో
రాష్ట్ర వ్యాప్తంగా వివిధ రంగాల్లో అర్టిఫిషియల్ ఇంటెలిజెన్స్ సామర్థ్యాన్ని ఉపయోగించుకునేందుకు రాష్ట్ర ప్రభుత్వం ప్రముఖ ఐటీ దిగ్గజ సంస్థ గూగుల్ తో ఒప్పందం చేసుకుంది. ప్రధానంగా వ్యవసాయం, సుస్థిరాభివృద్ధి, పరిపాలన, రవాణా, విద్య తదితర కీలక రంగాల్లో ఏఐ ఆధారిత సేవలు, పరిష్కారాలు అమలు చేయాలని లక్ష్యంగా ఎంచుకుంది. భవిష్యత్ అవసరాలకు తగిన విధంగా డిజిటల్ నైపుణ్యాలతో శ్రామిక శక్తిని సన్నద్ధం చేసేందుకు వ్యూహాత్మక సహకారం అందించనుంది. ఈ ఒప్పందం ప్రకారం రైతులకు వ్యవసాయ సంబంధిత ఏఐ ఆధారిత పరిష్కారాలు అందించనుంది.
రవాణా సదుపాయాలను మెరుగుపరిచే డేటా ఇంటిగ్రేషన్ సదుపాయాల కల్పనలోనూ భాగస్వామ్యం పంచుకుంటుంది. గూగుల్ ఫర్ ఎడ్యుకేషన్ ద్వారా ఏఐ నైపుణ్యాలు పెంపొందించే కార్యక్రమాలపై దృష్టి సారిస్తుంది. ఎంపిక చేసిన పాఠశాలల్లో డిజిటల్ అభ్యాసన పద్ధతులను ప్రారంభిస్తుంది. గూగుల్ వర్క్ స్పేస్, క్రోమ్ సర్వీసెస్‌లను కూడా గూగుల్ అందిస్తుంది. రైతులకు అవసరమైన ఇన్‌ఫుట్, రెడిట్, మార్కెటింగ్ సదుపాయాలన్నీ అనుసంధానం చేస్తూ తెలంగాణ ఓపెన్ అగ్రికల్చర్ నెట్‌వర్క్‌ను ప్రారంభిస్తుంది. గూగుల్ డేటా కామన్స్ ప్లాట్‌ఫాం ద్వారా ఓపెన్ డేటా యాక్సెస్‌ను మెరుగుపరుస్తుంది.