రాష్ట్రంలో మోడల్ స్కూళ్లలో 6 నుంచి 10వ తరగతిలో ప్రవేశాల కోసం ఏప్రిల్ 13న ప్రవేశ పరీక్ష నిర్వహించనున్నట్లు పాఠశాల విద్యాశాఖ వెల్లడించింది. ఉదయం 10 గంటల నుంచి 12 గంటల వరకు 6వ తరగతిలో ప్రవేశాలకు, మధ్యాహ్నం 2 నుంచి సాయంత్రం 4 గంటల వరకు 7 నుంచి 10 తరగతులలో ప్రవేశాలకు పరీక్ష ఉంటుందని పేర్కొంది. ఈ మేరకు శుక్రవారం మోడల్ స్కూళ్లలో ప్రవేశాలకు పాఠశాల విద్యాశాఖ నోటిఫికేషన్ విడుదల చేసింది. జనవరి 6వ తేదీ నుంచి ఫిబ్రవరి 28 వరకు దరఖాస్తులు స్వీకరించనున్నారు. పరీక్ష ఫీజు కింద ఎస్‌సి,ఎస్‌టి, బిసి,ఇడబ్లూఎస్ విద్యార్థులు రూ.125, మిగతా వారు రూ. 200 చెల్లించాలి. మరిన్ని వివరాలకు http://telanganams.cgg.gov.in వెబ్‌సైట్‌ను చూడాలి.
మోడల్ స్కూల్ ప్రవేశ పరీక్షకు సంబంధించిన వివరాలు..
-దరఖాస్తుల స్వీకరణ: జనవరి 6 నుంచి ఫిబ్రవరి 28 వరకు
-హాల్‌టికెట్ల డౌన్‌లోడ్ : ఏప్రిల్ 3నుంచి
-ప్రవేశ పరీక్ష తేదీ : ఏప్రిల్ 13