- Advertisement -
అహ్మదాబాద్: గుజరాత్ రాష్ట్రం ఆనంద్ జిల్లా తారాపూర్ ప్రాంతంలో బుధవారం ఉదయం ఘోర రోడ్డు ప్రమాదం చోటుచేసుకుంది. కారు, ట్రక్కు ఢీకొనడంతో ఒకే కుటుంబానికి చెందిన పది మంది మృతి చెందారు. వాహనదారుల సమాచారం మేరకు పోలీసులు ఘటనా స్థలానికి చేరుకొని సహాయక చర్యలు చేపట్టారు. మృతదేహాలను శవ పరీక్ష నిమిత్తం తారాపూర్ ఆస్పత్రికి తరలించారు. క్రేన్ సహాయంతో వాహనాలను పక్కకు తొలగించారు. ఈ ప్రమాదంపై కేసు నమోదు చేసి దర్యాప్తు చేస్తున్నామని వెల్లడించారు.
- Advertisement -