- Advertisement -
శ్రీనగర్: జమ్మూ కశ్మీరులోని బారాముల్లా జిల్లా సోపోర్ ప్రాంతంలో మంగళవారం భద్రతా దళాలు జరిపిన ఎదురుకాల్పులలో ముగ్గురు ఉగ్రవాదులు మరణించారు. ఉగ్రవాదుల కదలికలపై అందిన సమాచారం మేరకు భద్రతా బలగాలు సోమవారం రాత్రి పేట్‌సీర్‌లో గాలింపు చర్యలు చేపట్టినట్లు పోలీసులు తెలిపారు. మంగళవారం తెల్లవారుజామున ఉగ్రవాదులు కాల్పులు జరపడంతో ఆత్మరక్షణార్థం భద్రతా సిబ్బంది ఎదురుకాల్పులు జరిపారని పోలీసు అధికారి ఒకరు తెలిపారు. ఎదురుకాల్పులలో ముగ్గురు ఉగ్రవాదులు మరణించారని, వారి పేర్లు, వారి సంస్థ పేరు తెలియరాలేదని వారు చెప్పారు. ఇదిలా ఉండగా ఈ ఏడాది ఇప్పటివరకు వందమందికి పైగా ఉగ్రవాదులు హతమైనట్లు కశ్మీరు జోన్ ఐజి విజయ్ కుమార్ తెలిపారు.
- Advertisement -