ఉలగనాయకన్ కమల్ హాసన్, లెజెండరీ దర్శకుడు మణిరత్నం కాంబినేషన్‌లో తెరకెక్కుతున్న మూవీ ’థగ్ లైఫ్’పై భారీ అంచనాలు ఏర్పడ్డాయి. ఈ సినిమాలో సిలంబరసన్ టిఆర్ అకా శింబు కూడా నటిస్తున్నారు. ఇక కమల్ హాసన్ పుట్టినరోజు సందర్భంగా, మేకర్స్ ఒక అద్భుతమైన టీజర్‌ను విడుదల చేశారు. అది సినిమాపై ఆసక్తిని మరింత పెంచింది. టీజర్ విజువల్ ఫీస్ట్‌గా వుంది.
అద్భుతమైన విజువల్స్, యాక్షన్ షాట్‌లతో గ్రేట్ ఎపిక్ యాక్షన్ అడ్వెంచర్ వస్తోందని ఈ టీజర్ తెలియజేసింది. టీజర్‌తో పాటు సినిమా రిలీజ్ డేట్‌ని మేకర్స్ ప్రకటించారు. ఈ సినిమా జూన్ 5, 2025న గ్రాండ్‌గా విడుదల కానుంది. ఈ చిత్రంలో త్రిష కృష్ణన్, అశోక్ సెల్వన్, ఐశ్వర్య లేఖి, అభిరామి, నాజర్, జోజు జార్జ్ లాంటి ప్రముఖ స్టార్స్ కీలక పాత్రలు పోషిస్తున్నారు. మద్రాస్ టాకీస్, రాజ్ కమల్ ఫిలింస్ ఇంటర్నేషనల్‌పై కమల్ హాసన్, మణిరత్నం, ఆర్. మహేంద్రన్, శివ అనంత్ భారీ బడ్జెట్‌తో ఈ సినిమాని నిర్మిస్తున్నారు. ఉదయనిధి స్టాలిన్ రెడ్ జెయింట్ మూవీస్ ఈ సినిమాని సమర్పిస్తోంది.