ఆదివారం హైదరాబాద్‌లో గ్రాండ్‌గా జరుగబోయే సంతోషం సౌతిండియా సినిమా అవార్డ్ వేడుక కర్టైన్ రైజర్ కార్యక్రమాన్ని నిర్వహించారు. ఈ కార్యక్రమంలో ఆలీ, ఇంద్రజ, సుశాంత్, పూరి ఆకాష్, దివి, హమీద, అక్సఖాన్ , హెబ్బా పటేల్, ఎన్ స్కైర్ ఎండి నవీన్ రెడ్డి, సుమన్ టివి సిఈఓ పద్మజ, ప్రభు తదితరులు పాల్గొన్నారు. ఈ సందర్భంగా ఆలీ చేతుల మీదుగా సంతోషం -అవార్డ్ బ్రోచర్ లాంచ్ చేశారు. అనంతరం ఆలీ మాట్లాడుతూ “సంతోషం అవార్డ్ 20 సంవత్సరాలు పూర్తి చేయడం అన్నది మాములు విషయం కాదు. ఈ వేడుకకు ఒక్క తెలుగు నుండే కాదు తమిళ్, కన్నడ, మలయాళ, హిందీ భాషల నుంచి చాలా మంది స్టార్స్ హాజరవుతున్నారు. ఈ వేడుక సూపర్ సక్సెస్ కావాలని కోరుకుంటున్నా”అని అన్నారు. సంతోషం అవార్డ్ వేడుక నిర్వాహకులు సురేష్ కొండేటి మాట్లాడుతూ “ఈ సారి ఈ అవార్డుల వేడుకను మరో 20 ఏళ్ళు గుర్తుండిపోయేలా నిర్వహిస్తున్నాం. ఈ వేడుకలో ఎస్పీ బాలసుబ్రమణ్యంకు వందమంది సింగర్స్, వంద పాటలతో గ్రాండ్ ట్రిబ్యూట్ ఇస్తున్నాం”అని తెలిపారు. ఆదివారం హైదరాబాద్ హెచ్‌ఐసీసీలోని నోవాటెల్‌లో మధ్యాహ్నం ౩ గంటల నుంచి రాత్రి 12 గంటల వరకు సంతోషం అవార్డ్ వేడుక జరుగనుంది.