ఉత్తర్వులు జారీ చేసిన ట్రాఫిక్ డిసిపి విజయ్‌కుమార్
మనతెలంగాణ, సిటిబ్యూరోః వినాయక చవితి నిమజ్జనం సందర్భంగా సైబరాబాద్ పోలీస్ కమిషనరేట్ పరిధిలో ట్రాఫిక్ ఆంక్షలు విధిస్తూ సిపి స్టిఫెన్ రవీంద్ర ఉత్తర్వులు జారీ చేశారు. ఈ నెల 19, 20వ తేదీలో ట్రాఫిక్ ఆంక్షలు అమలులో ఉంటాయని పేర్కొన్నారు. ఉదయం 6 గంటల నుంచి 20వ తేదీ ఉదయం నిమజ్జనం పూర్తయ్యే వరకు ట్రాఫిక్ ఆంక్షలు అమలులో ఉంటాయి. ప్రజలు అత్యవసరం ఉన్నప్పుడు హెల్ప్‌లైన్ నంబర్ 04023002424, 8500411111కు ఫోన్ చేయాలని కోరారు. కూకట్‌పల్లి ఐడిఎల్ ట్యాంక్ ఎంట్రెన్స్ నుంచి రేయిన్‌బో విస్టా, వయా టీ జంక్షన్ వరకు మూసివేస్తారు. వీక్షకులకు ఐడిఎల్ ట్యాంక్‌కు అనుమతి ఇవ్వరు. కూకట్‌పల్లి వై జంక్షన్ నుంచి హైటెక్ సిటీ, మాదాపూర్‌కు వెళ్లే వారు ఫోరం మాల్ రోడ్డు మీదుగా హైటెక్‌సిటీకి రావాలి.
హైటెక్ సిటీ, మాదాపూర్ నుంచి కూకట్‌పల్లి వై జంక్షన్ వయా ఖైత్‌లాపూర్ నుంచి రేయిన్‌బో విస్టా, ముసాపేట రోడ్డు నుంచి కూకట్‌పల్లి వై జంక్షన్, బాలానగర్‌కు చేరుకోవాలి. వినాయకుడి విగ్రహాలను హస్మత్‌పేట ట్యాంక్ అల్వాల్‌లో నిమజ్జనం చేసేవారు బోయిన్‌పల్లి, సికింద్రాబాద్ నుంచి అంజయ్యనగర్ మీదుగా రావాలి, నిమజ్జనం చేసిన తర్వాత ఓల్డ్ బోయిన్‌పల్లి, మసీద్‌రోడ్డు, హరిజన్ బస్తీ నుంచి వెళ్లాలి. సూరారం కట్టమైసమ్మ టెంపుల్‌లో నిమజ్జనం చేసేవారు బాలానగర్, జీడిమెట్ల, మీదుగా బహదూర్‌పల్లి, బాచుపల్లి, గండిమైసమ్మ జంక్షన్ నుంచి సూరారం గ్రామం, సబ్ రిజిస్ట్రార్ ఆఫీస్, బౌరంపేట, గండిమైసమ్మకు వెళ్లాలి.
గండిమైసమ్మ, బాచుపల్లి నుంచి వచ్చే వాహనాలు జీడిమెట్ల, బాలానగర్, నుంచి బహదూర్‌పల్లి జంక్షన్ నుంచి లెఫ్ట్ తీసుకుని వయా దూలపల్లి గ్రామం టి జంక్షన్, ఐఎఎల్‌ఏ జీడిమెట్ల వైపు వెళ్లాలి. వినాయకుడి విగ్రహాలను తీసుకుని వచ్చే వాహనాలను ఫతేమైదాన్ ఫ్లైఓవర్, సైబర్ టవర్ ఫ్లైఓవర్, ఫోరం మాల్, గచ్చిబౌలి ఫ్లైఓవర్‌పైకి అనుమతించరు.
భారీ వాహనాలు…
బిహెచ్‌ఈఎల్ ఎక్స్ రోడ్డు నుంచి గోద్రేజ్ వై జంక్షన్ కూకట్‌పల్లి, గోద్రేజ్ నుంచి ఎర్రగడ్డ, ఫెరోజ్‌గూడ నుంచి గోద్రేజ్ వై జంక్షన్ కూకట్‌పల్లి, గుడెన్‌మెట్ నుంచి నర్సాపూర్ ఎక్స్ రోడ్డు, పివిఎన్‌ఆర్ ఫ్లైఓవర్ ఆరాంఘర్ ఎక్స్ రోడ్డు అనుమతి లేదు. సంఘారెడ్డి, పటాన్ చెరువు, బిహెచ్‌ఈఎల్ నుంచి హైదరాబాద్‌కు వచ్చే భారీ వాహనాలు, ఆర్టిసి బస్సులు బిహెచ్‌ఈఎల్ ఎక్స్ రోడ్డు వరకే అనుమతి ఉంది.
బిహెచ్‌ఈఎల్, చందానగర్ నుమచి మియాపూర్ మీదుగా అమీర్‌పేట వెళ్లే బస్సులు మియాపూర్ ఎక్స్ రోడ్డు నుంచి లెఫ్ట్ తీసుకుని బాచుపల్లి, దుండిగల్ రోడ్డు వైపు వెళ్లాలి. ఓఆర్‌ఆర్ ఎగ్జిట్ నంబర్ 17 హిమయత్‌సాగర్ నుంచి చెన్నమ్మ హోటల్ వయా ఓఆర్‌ఆర్ సర్వీస్ రోడ్డు నుంచి వచ్చే వాహనాలు హిమయత్‌నగర్ సర్వీస్ రోడ్డు వైపు డైవర్ట్ చేస్తారు. దర్గా సర్వీస్ రోడ్డు, లార్డ్ కాలేజీ రైటర్న్, ఎల్వి ప్రసాద్ ఐ ఆస్పత్రి వద్ద రైటర్న్ తీసుకుని కిస్మత్‌పూర్, బుద్దేల్ గ్రామం, పిడిపి జంక్షన్ వైపు వెళ్లాలి.
పిల్లర్ నంబర్ 294 నుంచి వచ్చే వాహనాలను పిడిపి జంక్షన్ వద్ద డైవర్ట్ చేసి బుద్ద్వేల్ గ్రామం, కిస్మత్‌పూర్, దర్గా వద్ద రైటర్న్ తీసుకుని, ఎల్వి ప్రసాద్ ఐ ఆస్పత్రి కేర్ వద్ద లెఫ్ట్ తీసుకోవాలి, లార్డ్ కాలేజీ టర్నింగ్, టిఎస్‌పిఏ జంక్షన్ నుంచి హిమయత్‌సాగర్ వైపు వెళ్లాలి.